အင်တာဗျူး

“ကျွန်တော်တို့အနေနဲ့ နိုင်ငံရေးအရ အဖြေရှာဖို့ အချိန်လိုနေတဲ့အချိန်မှာ စစ်ရေးမှာ ချက်ချင်းတုန့်ပြန်မှုတွေ မလုပ်ကြဘဲနဲ့ သက်ဆိုင်ရာ မြို့နယ်ဒေသအတွင်းမှာရှိတဲ့ လက်နက်ကိုင်ကြားထဲမှာ ပြေလည်နိုင်ရေးကို ဦးတည်သွားဖို့ ဒါကို လိုအပ်တဲ့ ငြိမ်းချမ်းရေးနည်းလမ်းနဲ့ ဆောင်ရွက်တဲ့အချိန်မှာ ချင်းလဲန်းကောင်စီအနေနဲ့ ကတော့ တတ်နိုင်သလောက် ပံ့ပိုးပေးသွားဖို့ပါပဲ” ချင်းလဲန်းကောင်စီအထွေထွေအတွင်းရေးမှူးဆလိုင်းပေါလ်

“စစ်ရှောင်ကာလကလည်း ကြာလာပြီဆိုတော့ အခက်အခဲတွေ စိန်ခေါ်မှုတွေကတော့ အများကြီး ရှိတယ်။ အထူးသဖြင့် စားနပ်ရိက္ခာပိုင်းမှာ အခက်အခဲပိုများလာတာပေါ့။ အခုစစ်ရှောင်တဲ့နေရာလည်း ကြမ်းတမ်းတယ်။ ခံနိုင်ရည်အား နည်းတယ်ပေါ့နော။ ရာသီဥတုအပြောင်းအလဲဖြစ်လာရင် ကျန်းမာရေး ထိခိုက်မှုတွေများတယ်” ကိုရှိုင်းလင်း / ရောင်ခြည်ဦးစစ်ရှောင်စခန်းတာဝန်ခံ

“ပြည်သူတွေကတော့ တောထဲမှာပဲ။ တချို့ကတော့လည်း တောင်ခြေမှာ တဲတွေဘာတွေသွားထိုးပြီး နေကြတယ်။ စခန်းသိမ်းပြီးနောက်ပိုင်းကတည်းကပေါ့ တချို့ကတော့ စစ်တောင်းအနောက်ဘက်ခြမ်းကို လာပြီးတော့ ရှောင်တာရှိသလို တောင်ခြေက သူတို့လုပ်ငန်းခွင်တွေနဲ့ နီးတဲ့ဆီမှာ ရှောင်ကြတာပေါ့။ မုန်းမြို့ တစ်ခုတည်းကို စစ်ရှောင်နေရတာ လူဦးရေသိန်းချီတယ်” KNU ၏ မုန်းမြို့နယ်ဆိုင်ရာ ပြောဆိုခွင့်ရှိသူ

“NUG က ပြောတာ “ရှမ်း-မန်း စစ်ဆင်ရေး” တို့ ဘာတို့ပေါ့။ ဒါက နာမည်တပ်တာလောက်ပဲဖြစ်ပြီး တကယ်တမ်း စစ်မြေပြင်မှာ တိတိပပ အထဲအထိ ထိုးဖောက်နိုင်ဖို့ အဆင့်အထိ တွန်းအားမရှိသေးဘူးလို့ မြင်ရတယ်။ သူတို့ မလုပ်ဘူးလို့ ပြောတာမဟုတ်ဘူး။ သူတို့လုပ်နေတယ်၊ အဲ့ဒီပြင်းအားက အဲ့လောက်ကြီး မပြင်းထန်သေးဘူး” စိုင်းဝမ်းစိုင်း / သျှမ်းနိုင်ငံရေးသုတေသီ

“အထူးသဖြင့် လေကြောင်းတိုက်ခိုက်မှု‌တွေ လက်နက်ကြီးတွေနဲ့ ရမ်းသမ်းပစ်ခတ်ပြီးတော့ တိုက်ခိုက်တဲ့ကိစ္စတွေ လူတွေနေတဲ့ ပရဝုဏ်၊ အိမ်ခြေတွေထဲမှာ ရည်ရွယ်ချက်ရှိရှိနဲ့ ပစ်မှတ်ထားပြီးတော့ တိုက်ခိုက်တာဖြစ်တဲ့အတွက် ကြောင့် ခြေလက်အင်္ဂါ ချို့ယွင်းဆုံးရှုံးကုန်ကြတဲ့အတွက် နောက်ပြန်ပြီး နာလန်မထူနိုင်တဲ့ အနေအထားထိ ရောက်ကြတယ်။ အဲဒီအထဲမှာဆိုရင် အမျိုးသမီးတွေ ကလေးသူငယ်တွေလည်း ပါပါတယ်” – နိုင်အိုင်းမွန် (HURFOM)

“ဖမ်းဆီးခံထားရတဲ့အချိန်မှာ အသက်ရှင်မယ်လို့တောင် မထင်ထားဘူး။ ခန္ဓာကိုယ်က အဝတ်အစားတွေကို ဆုတ်ဖြဲတယ်။ ပါသမျှငွေတွေကိုလည်း ယူတယ်။ အမျိုးသမီးတွေကိုကြတော့ ရှိသမျှကို နှိုက်လို့ယူတယ်။ ပြန်လွတ်မယ်လို့တောင် မထင်ထားခဲ့တာ” ဆော်လိမ်မိုလာ

“အိမ်ပျက်စီးသွားတဲ့သူတွေလည်း များသလို ရေကြီးတဲ့ထဲမှာ အိမ်ဝင်းတွေ ပါသွားတဲ့သူတွေက အခုအချိန်အထိ အိမ်ယာမဲ့ ဖြစ်သွားတာပေါ့လေ။ နေရာစရာမှ မရှိတာ။ အိမ်ဝင်း ပျောက်သွားတဲ့သူတွေက အရမ်းခက်ခဲနေ ကြတယ်ပေါ့လေ။ နေရာစရာ မရှိတဲ့ထဲမှာ စားစရာလည်းမရှိ ဖြစ်နေကြတယ်” ဖားကန့်မြို့ခံအမျိုးသားတစ်ဦး

“တိုင်းရင်းသားတွေကို ကိုယ်စားပြုထားတဲ့ ပါတီတွေ မရှိဘဲနဲ့ အနာဂါတ်မှာ ဖက်ဒရယ်ပြည်ထောင်စုကို သွားမယ့်ဟာတွေ၊ ငြိမ်းချမ်းရေးဖြစ်စဉ်ကို သွားမယ့်ဟာတွေ နောက်တခါ စစ်မှန်တဲ့ရွေးကောက်ပွဲကို ကျင်းပမယ့် ဟာတွေက သိပ်မသေချာမရေးရာဘူးလို့ ကျနော်ြမင်ပါတယ်” ဦးခိုင်ပြည်စိုး (အထွေထွေအတွင်းရေးမှူး – ANP)

“စစ်တပ်ရဲ့ဖိနှိပ်မှုက ပြည်သူလူထုကို ထိခိုက်တယ်ဆိုရင် ကျွန်တော်တို့ သပိတ်အင်အားစုကိုလည်း ထိခိုက်တာပဲ။ ကျွန်တော်တို့လည်း ပြည်သူလူထုထောက်ခံမှုနဲ့ လူထုလှုပ်ရှားမှုတွေ လုပ်နေရတယ်ဆိုတော့ ပြည်သူတွေ ဆင်းရဲတယ်ဆိုရင် ကျွန်တော်တို့လည်းဆင်းရဲတယ်” ကိုမင်းလွင်ဦး (ထားဝယ်ခရိုင် ဒီမိုကရေစီအရေးလှုပ်ရှားမှု သပိတ်ကော်မတီ)

← Previous 1 … 37 38 39 40 41 … 86 Next →