အင်တာဗျူး

“ဒီစစ်ကောင်စီရဲ့ ယန္တရားတွေကတော့ တော်တော်များများ ပြတ်တောက်နေပြီ။ အားလုံးနီးပါး ပြတ်တောက်မှု ရှိမရှိကတော့ လက်ရှိမှာအတည်ပြုလို့ မရသေးပါဘူး။ ဒါပေမယ့် လောလောဆယ်မှာတော့ စစ်ကောင်စီအုပ်ချုပ်မှု ယန္တရားက ပျက်ဆီးသလောက်နီးနီး ရှိသွားပြီးတော့ ခံစစ်ကို အဓိက ဦးတည်နေတယ်လို့ ကျနော်တို့ သိရပါတယ်” ဗိုလ်မိုက်ခဲ (Myingyan Black Tiger)

ဖုန်းလိုင်း၊ အင်တာနက်လိုင်းပြတ်တောက်နေသည့် မြစ်ကြီးနားမြို့ခံတို့၏ လှုမှုဆက်သွယ်ရေး၊ လူမူစီးပွားဆိုင်ရာ အခက်အခဲစကားသံများ စုစည်းမှု။

“ကျွန်တော်တို့ ထမင်းနပ်မှန်နေတဲ့အချိန်မှာ ပြည်သူလူထု ထမင်းငတ်တာမျိုး ကျွန်တော်တို့အဖြစ်မခံပါဘူး။ ကိုယ်ရှိနေတာက တစ်လုတ်တော့ ခွဲကျွေးမှာပဲ။ ဒါက အဆိုးဆုံးအခြေအနေကို ပြောပြတာပါ။ ဘယ်လိုပဲဖြစ်ဖြစ် ကျွန်တော်တို့ပြည်သူတွေကို ပစ်မထားဘူး ရအောင်ပံ့ပိုးမယ်၊ ကူညီမယ်။ ဒါကြောင့်အားလုံး စိတ်မလျော့ပါနဲ့ တော်လှန်ရေးပြီးတဲ့ ဆက်လက်တောင့်ခံပေးကြပါဦးလို့…” ကိုမင်းသွေးသစ် (မြေပြင်တာဝန်ခံ / ထမင်းတစ်နပ် ၁၅ ဘတ်အဖွဲ့)

“တိုက်ပွဲက မြို့ဘက်ကို ဦးတည်လာနေတာဆိုတော့ သိမ်းမှာမသိမ်းမှာတော့ ပြောမရဘူး။ သတင်းတွေ ကတော့ အဲလိုထွက်နေတာပဲ။ ရှောင်တဲ့သူတွေကတော့ နေ့တိုင်းနီးပါးရှိတယ်။ မြို့ခံတွေက တော်တော်လေးတော့ ရှောင်နေကြပြီ” ဗန်းမော်မြို့ခံ နိုင်ငံရေးတက်ကြွလှုပ်ရှားသူတစ်ဦး

“ပိုဆိုးတာက စစ်ကောင်စီက သူတို့နဲ့ပူးပေါင်းဖို့ပြောလို့ မပူးပေါင်းဘူးဆိုရင် ရွာကိုအနှောင့်အယှက်လုပ်မယ်။ ရန်ရှာမယ်။ တပ်တော်ဘက်ကလည်း အဲ့လိုပူးပေါင်းတဲ့အတွက် ကျွန်တော်တို့ကို အပြစ်မြင်လာနိုင်တယ်။ သူတို့ကို မပူးပေါင်း မထောက်ခံရင် တပ်တော်က အဲ့လိုလုပ်လာမလား။ လောလောဆယ် တပ်တော်က စစ်တွေကို မရောက်သေးပေမယ့် ဒါတွေကြောင့် စိုးရိမ်မှုတွေကတော့ အရမ်းများပါတယ်” စစ်တွေမြို့မှ လူမှုရေးတက်ကြွလှုပ်ရှားသူ မွတ်ဆလင်လူငယ်တစ်ဦး

“မတူပီ အတွေ့အကြုံအရဆိုရင် စစ်ကောင်စီက ချင်းပြည်နယ်မှာက တော်လှန်ရေးအင်အားစုတွေလည်း အားကောင်းလာတယ်။ အဲဒီတော့ ဖြစ်နိုင်ရင်တိုက်ပွဲတွေမှာ တပ်မှူးတွေအနေနဲ့ ချင့်ချိန်ပြီးတော့မှ ကျနော်တို့ ချင်းညီနောင်တွေ၊ မဟာမိတ်တွေ ထိုးစစ်ဆင်တဲ့အခါမှာ အမြန်ဆုံးအလင်းဝင်ဖို့ လိုပါတယ်” ကိုဘွေအုပ် / CDF–Matupi တပ်မဟာ (၁) ပြန်ကြားရေးတာဝန်ခံ

“အမိုးအကာတွေ လုံလောက်မှု မရှိဘူး ဖြစ်နေတယ်။ ပြီးတော့ အားလုံးကိုတော့ ဒီမှာတော့ နေတာကြာလာပြီ ဆိုတော့ အားလုံးက ရိက္ခာအတွက် အများကြီး ဝယ်ထားကြတာမရှိဘူး။ ပြေးနေရတယ်ဆိုတော့ ဒီဘက်မှာလည်း ဝယ်မယ့်ဆိုင်တွေ မရှိတော့ ဘာမှလည်း ဝယ်လို့မရတော့ဘူး။ ကျွန်တော်တို့အတွက်တော့ စစ်ဘေးရှောင်ရော ရေဘေးရော အားလုံးအတွက်တော့ အခက်တော်တော်လေးတွေ့တယ်ပေါ့နော်” ကိုဖြိုး / တွဲလက်ညီညီ စစ်ရှောင်ကူညီရေးအဖွဲ့ဝင်

“စစ်ကောင်စီကလည်း လားရှိုးပတ်ဝန်းကျင်ကို ရှမ်းတောင်ကနေလာဖို့ လမ်းတွေဖောက်နေတာ ရှိတယ်။ ဖောက်တဲ့ လမ်းအတိုင်းပဲ ရှမ်းမြောက်စစ်ဆင်ရေးက ရှမ်းတောင်မှသည် ကရင်နီဘက်ကို စီးဆင်းသွားမယ်လို့ ကျွန်တော်တို့ထင်ပါတယ်။ စစ်ဆင်ရေး ဆက်လုပ်မှာပါ” CDM ဗိုလ်ကြီးဇင်ယော်

“သူတို့အနေနဲ့ ဒီတော်လှန်ရေးတပ်ဖွဲ့တွေရှိတယ်လို့ သူတို့ထင်တဲ့နေရာတိုင်း အရပ်သားနေရာပဲဖြစ်ဖြစ် ဘယ်လို နေရာပဲဖြစ်ဖြစ် အကုန်လုံးကို ရမ်းသမ်းပြီးမှ သူတို့အနေနဲ့ ပစ်သတ်တာတွေ အဲ့လို လေကြောင်းတိုက်ခိုက်မှုတွေ တော်တော်များများ လုပ်နေတယ်ရှင့်။ လက်နက်ကြီးနဲ့ ပစ်တာပေါ့နော်” ယိင်းလျန်းဟန်/ SHRF ပြောရေးဆိုခွင့်ရှိသူ

← Previous 1 … 35 36 37 38 39 … 86 Next →