အင်တာဗျူး

“မတူပီ အတွေ့အကြုံအရဆိုရင် စစ်ကောင်စီက ချင်းပြည်နယ်မှာက တော်လှန်ရေးအင်အားစုတွေလည်း အားကောင်းလာတယ်။ အဲဒီတော့ ဖြစ်နိုင်ရင်တိုက်ပွဲတွေမှာ တပ်မှူးတွေအနေနဲ့ ချင့်ချိန်ပြီးတော့မှ ကျနော်တို့ ချင်းညီနောင်တွေ၊ မဟာမိတ်တွေ ထိုးစစ်ဆင်တဲ့အခါမှာ အမြန်ဆုံးအလင်းဝင်ဖို့ လိုပါတယ်” ကိုဘွေအုပ် / CDF–Matupi တပ်မဟာ (၁) ပြန်ကြားရေးတာဝန်ခံ

“အမိုးအကာတွေ လုံလောက်မှု မရှိဘူး ဖြစ်နေတယ်။ ပြီးတော့ အားလုံးကိုတော့ ဒီမှာတော့ နေတာကြာလာပြီ ဆိုတော့ အားလုံးက ရိက္ခာအတွက် အများကြီး ဝယ်ထားကြတာမရှိဘူး။ ပြေးနေရတယ်ဆိုတော့ ဒီဘက်မှာလည်း ဝယ်မယ့်ဆိုင်တွေ မရှိတော့ ဘာမှလည်း ဝယ်လို့မရတော့ဘူး။ ကျွန်တော်တို့အတွက်တော့ စစ်ဘေးရှောင်ရော ရေဘေးရော အားလုံးအတွက်တော့ အခက်တော်တော်လေးတွေ့တယ်ပေါ့နော်” ကိုဖြိုး / တွဲလက်ညီညီ စစ်ရှောင်ကူညီရေးအဖွဲ့ဝင်

“စစ်ကောင်စီကလည်း လားရှိုးပတ်ဝန်းကျင်ကို ရှမ်းတောင်ကနေလာဖို့ လမ်းတွေဖောက်နေတာ ရှိတယ်။ ဖောက်တဲ့ လမ်းအတိုင်းပဲ ရှမ်းမြောက်စစ်ဆင်ရေးက ရှမ်းတောင်မှသည် ကရင်နီဘက်ကို စီးဆင်းသွားမယ်လို့ ကျွန်တော်တို့ထင်ပါတယ်။ စစ်ဆင်ရေး ဆက်လုပ်မှာပါ” CDM ဗိုလ်ကြီးဇင်ယော်

“သူတို့အနေနဲ့ ဒီတော်လှန်ရေးတပ်ဖွဲ့တွေရှိတယ်လို့ သူတို့ထင်တဲ့နေရာတိုင်း အရပ်သားနေရာပဲဖြစ်ဖြစ် ဘယ်လို နေရာပဲဖြစ်ဖြစ် အကုန်လုံးကို ရမ်းသမ်းပြီးမှ သူတို့အနေနဲ့ ပစ်သတ်တာတွေ အဲ့လို လေကြောင်းတိုက်ခိုက်မှုတွေ တော်တော်များများ လုပ်နေတယ်ရှင့်။ လက်နက်ကြီးနဲ့ ပစ်တာပေါ့နော်” ယိင်းလျန်းဟန်/ SHRF ပြောရေးဆိုခွင့်ရှိသူ

“ကိုယ့်ရဲ့ဒေသအတွင်း၊ ပြီးတော့မှ အလှူရှင်တွေပေါ့နော အသီးသီးကိုပြောချင်တာက CDM တွေကို မမေ့ပါနဲ့ပေါ့နော။ CDM တွေကလည်း နွေဦးတော်လှန်ရေးမှာ သူရဲကောင်းတွေဖြစ်တယ်၊ စွန့်လွှတ်အနစ်နာခံထားတဲ့သူတွေ ဖြစ်တယ်။ သူတို့တွေအတွက် ဒီကာလမှာ ရှင်သန်ရပ်တည်ဖို့အတွက် ထောက်ပံ့မှုလေးတွေ လုပ်ပေးချင်တယ်”

“မြသိန်းတန်ဘုရားနားက ဆိုင်ခန်းတွေလည်း မီးလောင်ခဲ့တာရှိတော့ ဒေသခံတွေက ကိုယ့်အိမ်၊ ကိုယ့်ဆိုင် ဆိုတာထက်ပဲ ဒီသမိုင်းဝင်စေတီတော်တွေ ပျက်ဆီးဆုံးရှုံးမှာကို တော်တော်ကြီးကို စိုးရိမ်ပူပန်ကြတယ်။ အားလုံးက တန်ဖိုးထားကြတဲ့အရာ ပျက်ဆီးမှာကို မလိုလားကြဘူး” စစ်ကိုင်းမြို့ခံတစ်ဦး

“လိင်အကြမ်းဖက်မှုတွေနဲ့ ပါတ်သက်ပြီး တပ်တွင်းစံတန်ဖိုးဆိုင်ရာ အခြေခံမူချမှတ်ထားတာမရှိတော့ စည်းမျဉ်း ဥပဒေတွေလည်း မရှိတာ၊ တိုင်ကြားမှု ယန္တယားတွေ မတည်ဆောက်ထားပေးတာ၊ အရေးယူနိုင်တဲ့အဆင့်၊ တရားမျှတမှု ရရှိအောင် လုပ်ဆောင်ပေးနေတဲ့အဆင့်တွေ မတွေ့ရသလောက် နည်းပါးနေပါတယ်” ဒေါ်မိဆူးပွင့် / M-WPS ပြောရေးဆိုခွင့်ရှိသူ

“အကျဉ်းထောင်တွေကိုလည်း မေ့မထားကြဖို့၊ ပြင်ပမှာတောင်မှ လူ့အခွင့်အရေးကို ဆိုးဆိုးရွားရွား ချိုးဖောက် နေကြတဲ့လူတွေက အကျဉ်းထောင်ထဲမှာ ပိုပြီးမှတောင်မှ လူမသိသူမသိနဲ့ လူ့အခွင့်အရေး ချိုးဖောက်မှုတွေ ပြုလုပ်နေကြတယ်ဆိုတာ ကျနော်က ပြည်သူတွေကိုရော ကမ္ဘာ့လူ့အခွင့်အရေးအဖွဲ့အစည်းတွေကိုရော ပြောပေးချင်ပါတယ်” ကိုသိုက်ထွန်းဦး-PPNM

“ချင်းလဲန်းကောင်စီပေါ်လစီနဲ့ ကိုက်ညီအောင် တွန်းဇံမြို့နယ်ကို ဦးဆောင်သွားမယ်။ ZRA ဟာ ကျနော်တို့ကို သိမ်းခဲ့တယ်။ သတ်ဖြတ်ခဲ့တယ်။ အဲဒါကြောင့် CDF တွန်းဇံက ZRA တွေနဲ့ သူတို့ကို ထောက်ပို့သူတွေကို အိမ်ကို ချိတ်ပိတ်ခြင်း ဖြစ်တဲ့အကြောင်း အများပြည်သူက နားလည်ပေးဖို့ CDF – တွန်းဇံ ခေါင်ဆောင်အနေနဲ့ သော်လည်းကောင်း၊ တွန်းဇံမြို့နယ်ကောင်စီ ဥက္ကဌ အနေနဲ့လည်းကောင်း အများပြည်သူကို အသိပေးချင်ပါတယ်” ဦးထန်ဆွန်းမုန် – ဥက္ကဌ / Tonzang Township Council

← Previous 1 … 36 37 38 39 40 … 86 Next →