အင်တာဗျူး

“မှန်မှန်ကန်ကန်နဲ့ အမှန်တရားဘက်ကို ရပ်ရဲဖို့လိုတယ်။ ဒီလူက ကိုယ့်ရဲ့ NLD က ဖြစ်လို့၊ ဒါက ကိုယ့်ခေါင်းဆောင်ဖြစ်လို့ ဒီလိုမျိုးကတော့ အခုချိန်ကာလမှာ မလုပ်သင့်ဘူး မဖြစ်သင့်ဘူး။ ဒါ ကျမတို့ ရဲရဲတင်းတင်းနဲ့ပေါ့ အမှန်တရားဘက်က ရပ်ဖို့ ပြန်ပြီးတော့မှ တိုက်တွန်းချင်တယ်” မမီးငယ် – WLB

“ရောင်းဝယ်ဖောက်ကားမူတွေ ပေါ်ပေါ်တင်တင်ကြီးဖြစ်တယ်။ ပေါ်တင်ကြီးကို ဖြစ်ပျက်နေတာ တော်တော်လေး ရုပ်ပျက်ဆင်းပျက် ဖြစ်တယ်။ ရှင်းရှင်းပြောရရင် ပဲလှော်တောင် ဝယ်ရခက်ရင် ခက်နေဦးမယ်။ ဒီမူးယစ်ဆေးတွေ က ဝယ်ရတာ တော်တော့်ကိုလွယ်လွန်းနေတယ်” မင်းဇေယျ (အမည်လွှဲ)

“အဓိကတော့ အရင်ကလို လွတ်လွတ်လပ်လပ် လုပ်ကိုင်စားသောက်ဖို့က အရမ်းခက်ခဲသွားတယ်။ လမ်းပန်းဆက်သွယ်ရေး ကအစ၊ ဗန်းမော်ဘက်ကို ဆက်သွယ်တဲ့ ကားလမ်းတွေ သွားလို့မရတော့ဘူး။ မြစ်ကြီးနားကို သွားတဲ့ကားတွေကလည်း သွားဖို့ အရမ်းခက်ခဲသွားတယ်။ လုပ်ငန်းအသေးစား လုပ်ကိုင် စားသောက်ဖို့ ဆိုရင်တောင် ခက်ခဲနေတယ်လေ” လွယ်ဂျယ်ဒေသခံ

“ပန်းရောင်ကတ် လုပ်ပေးမယ်ဆိုလို့ ဝင်လာတာတွေ လက်ရှိမှာ ထပ်ပြီးတိုးပွားလာနိုင်သလို မူလအစကလည်း ပြည်တွင်းမှာ မငြိမ်သက်မှုတွေ စစ်ဘေးစစ်ဒဏ်တွေ၊ စစ်မှုမထမ်းမနေရ ဥပဒေကြောင့် ဝင်လာမစဲ တသဲသဲ ဆိုသလို ဖြစ်နေတယ်။ ဒါတွေနဲ့ ပတ်သက်ပြီး ချက်ချင်းဖမ်းဆီးမှုနဲ့ ပြစ်မှုပြစ်ဒဏ်တွေကြောင့် ပြန်လည်ပို့ဆောင်မှုကတော့ ရှိနေတာပဲ” – ဦးအောင်ကျော် (ပြောခွင့်ရသူ- LRF/ အလုပ်သမားအခွင့်အရေးဖောင်ဒေးရှင်း )

“မျောက်ချော၊ နဂါးအိုင်ရွာပေါ့။ ဒီ ၂ ရွာက ရန်သူကြောင့် အများကြီးထိခိုက်သွားတာပေါ့။ ဆိုင်ပစ္စည်းတွေ စားစရာတွေဆိုလည်း အကုန် ကုန်သွားတာပေါ့။ မျောက်ချောရွာမှာ ဈေးရောင်းတဲ့အိမ် ၁၀ အိမ်လောက်ရှိတဲ့အထဲမှာ တစ်အိမ်မှ ဈေးပစ္စည်းတွေ ကျန်တာမရှိဘူး။ နဂါးအိုင်ရွာမှာလည်း အဲလိုပဲ ဘာမှမကျန်ဘူး။ နောက်ပြီး ဆိုင်ကယ်တွေကားတွေ မီးရှို့ထားတာလည်းရှိတယ်” ထားဝယ်ခရိုင်ဒေသခံတစ်ဦး

“တချို့ကလည်း ရှောင်ကြဖို့ လုပ်နေချိန်မှာ အဖမ်းခံရတာလည်း ရှိတယ်။ တချို့ကလည်း ပြည်သူ့စစ်တွေ ဝင်လာတော့ ရှောင်မရဘဲ ပိတ်မိပြီး ဖမ်းခံသွားရတာ။ အခုက သူတို့က စစ်ကြောင်းထိုးတာမျိုး မဟုတ်ဘဲနဲ့ လူသစ်စုဖို့ အတွက်ကို သက်သက်ကို လူလိုက်ရှာကြတာ” ကန့်ဘလူဒေသခံတစ်ဦး

“လုံခြုံရေးက အရမ်းကို စိုးရိမ်ရပါသေးတယ်။ တိုက်ပွဲတွေငြိမ်သက်သွားတယ်ဆိုပေမယ့် ဆွမ်ပရာဘွမ့်မြို့နဲ့ သိပ်မနီးမဝေး နေရာတွေမှာပဲ တိုက်ပွဲတွေက ရှိနေသေးတယ်။ ပြောရမယ်ဆိုရင် စစ်တပ်နဲ့ နီးနေသေးတယ်လို့ ပြောလို့ရမယ်။ ဒါကြောင့် အားလုံးလည်း သတိထားပြီးနေရတယ်” ဆွမ်ပရာဘွမ်ဒေသခံတစ်ဦး

“ဒီလိုလက်နက်ပုဒ်မနဲ့ ရောက်လာတဲ့သူတွေဟာ ငါတို့ရဲ့ရန်သူတွေပဲဆိုတဲ့ တွေးခေါ်ယူဆချက်တွေနဲ့ အကျဉ်းဦးစီးဌာန ဝန်ထမ်းတွေဟာ ဒီလိုမျိုး လူမဆန်တဲ့ လုပ်ရပ်တွေ၊ သတ်ဖြတ်မှုတွေကို ဥပဒေမဲ့ ချိုးဖောက်မှုတွေ ညှင်းပန်းနှိပ်စက်မှုတွေ ဖိနှိပ်မှုတွေ လုပ်နေတယ်လို့ ပြောလို့ရပါတယ်” ကိုသိုက်ထွန်းဦး (မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက် – PPNM)

“နောက်တန်းဌာနချုပ်တွေမှာ သုံးမယ်ဆိုပေမယ့်လည်း အခုအချိန်မှာ စစ်ကောင်စီရဲ့ နောက်တန်းတပ်တွေ ကိုယ်တိုင်က ရှေ့တန်းဖြစ်သွားတယ်။ တနည်းအားဖြင့် ပြောရရင် ရှေ့တန်းမှာ ပြန်အသုံးချခံရမယ့် အလားအလာ ရှိပါတယ်” CDM ဗိုလ်ကြီး ညီသုတ

← Previous 1 … 38 39 40 41 42 … 85 Next →