အင်တာဗျူး

“အဆောက်အဦး လိုအပ်ချက်ကတော့ တစ်ပြည်နယ်လုံးပါပဲ။ အထူးသဖြင့် ကျောင်းမှာသင်ခွင့်မရတဲ့ ကျေးရွာတွေမှာဆိုရင် ရွာအပြင် စစ်ရှောင်စခန်းမှာ မိုးကာတဲနဲ့ တဲထိုးပြီး သင်ကြားနေရတဲ့အဆင့် ဖြစ်တယ်။ သိပ်ဆိုးဆိုးဝါးဝါး မဖြစ်တဲ့ စာသင်ကျောင်းများမှာ မသင်ဘဲနဲ့ ပြည်သူတို့ရဲ့နေအိမ်မှာ အကန့်တွေခွဲပြီး သင်ကြားနေတာ ရှိပါတယ်။” ဦးဘယ်ညာမီးနို (ဒုဌာနမှူး၊ IEC ပညာရေးဌာန)

“အခုချိန်မှာတော့ စစ်ကောင်စီနဲ့ CNF တို့ရဲ့ ရည်ရွယ်ချက်ရှိရှိ နှစ်ဖက်ညှပ် ပူးပေါင်းတိုက်ခိုက်မှုကို အပြင်းအထန် ခုခံကာကွယ် နေပါတယ်။ တိုက်ခိုက်ခံနေရတုန်း အချိန်မှာတော့ တွေ့ဆုံညှိနှိုင်းဖို့ ခက်ပါမယ်။ ကျွန်တော်တို့က ချင်းအချင်းချင်း သွေးထွက်သံယိုမဖြစ်အောင် တော်လှန်ရေး စတင်ကတည်းက ထိန်းထိန်းသိမ်းသိမ်းနဲ့ တည်ဆောက် လာတဲ့မူကို အမြဲကိုင်စွဲထားပါတယ်” ဆလိုင်းယောမာန် – ချင်းညီနောင်ပြောရေးဆိုခွင့်ရှိသူ

“ကျွန်တော်တို့ ဆက်လုပ်စရာရှိတာကို ဆက်လုပ်သွားမယ်ပေါ့နော်။ ဘယ်တော့မှ ကျွန်တော်တိုက စွန့်မှာ မဟုတ်ပါဘူး။ မဖယ်ပေးလည်း ကျွန်တော်တို့ လုပ်စရာရှိတာ ဆက်လုပ်မှာပဲပေါ့နော်။ အဓိကကတော့ ကျွန်တော်တို့ ဘာဖြစ်လို့ အဲဒီလိုလုပ်တာလဲဆိုရင် ပြည်သူလူထု ထိခိုက်မှုအနည်းဆုံးဖြစ်အောင် လုပ်ချင်တာ” ဆလိုင်းထက်နီ – CNF/CNA ပြောရေးဆိုခွင့်ရှိသူ

“တော်လှန်ရေးကာလ ဒီလောက် စစ်တပ်က မီးတွေရှို့ လူတွေလာသတ်လုပ်နေလို့ စစ်ကြောင်းဝင်တာနဲ့ ခဏခဏ ခွေးပြေးဝက်ပြေး ပြေးရတဲ့ကာလ အကုန်ထားခဲ့ပြီး ပြေးရတဲ့ကာလမှာမှ ဒီလမ်းသစ်ဖောက်ဖို့ မလိုဘူးဆိုတာ ဒေသခံတွေကလည်း ပြောကြတယ်။ ဒါကို သူတို့ဘာလို့ အသည်းအသန်လုပ်လဲမသိဘူး။ လမ်းက အခုလဆန်း ထဲက ဖောက်နေကြတာ။” ထီးချိုင့်ဒေသခံတစ်ဦး

“အခုက ကျနော်တို့ ကရင့်တော်လှန်ရေးက Transactional (အသွင်ကူးပြောင်းရေးကာလ) ထဲ ရောက်နေ တာပေါ့။ ဒီကာလမှာ တစ်ခုပြီးတစ်ခု အပြောင်းအလဲတွေ ဖြစ်လာတဲ့အခါမှာ နောက်ပိုင်းကြရင်တော့ လူထုကိုယ်တိုင် မဲပေးပြီး ကိုယ့်ခေါင်းဆောင် ကိုယ်ရွှေးချယ်မယ်ဆိုတဲ့ နိုင်ငံရေးစိတ်ဆန္ဒကို ဖော်ပြတယ်။ ဖြစ်လာဖို့ကိုလည်း သူတို့မျှော်မှန်းတယ်” စောအယ်လ်ဘတ်ချို – IKC ပြောရေးဆိုခွင့်ရှိသူ

“ကျွန်တော်တို့ လိုအပ်တဲ့ အခက်အခဲက ဘာလဲဆိုတော့ လက်နက်ခဲယမ်းပဲ။ ရဲဘော်တွေ အယောက်တိုင်း အယောက်တိုင်း အကုန်လုံးကို လက်နက်တပ်ဆင်ပေးချင်တယ်။ တော်လှန်ရေးထဲမှာ ပါဝင်နေတဲ့ ရဲဘော်တွေ အကုန်လုံးကိုလည်း လက်နက်ကိုယ်စီနဲ့ တိုက်ပွဲကောင်းကောင်းဝင်နိုင်မယ့် အခြေအနေမျိုးနဲ့ မြင်ချင်တယ်” ရေးဘီလူးအဖွဲ့ခေါင်းဆောင်

“JFM ရဲ့ ရည်ရွယ်ချက်က မြန်မာပြည်သူတွေနဲ့ ကမ္ဘာတဝန်းက မိတ်ဖက်တွေ အတူတကွပူးပေါင်းပြီး စစ်တပ်ရဲ့ဘဏ္ဍာငွေ၊ စစ်လက်နက်၊ ပစ္စည်းကိရိယာ၊ နည်းပညာနဲ့ လေယာဉ်ဆီတွေကို ဖြတ်တောက်နိုင်ခြင်း မှတဆင့် မြန်မာစစ်ရာဇဝတ်ဂိုဏ်းကို အပြီးဖျက်သိမ်းရေးပဲ ဖြစ်ပါတယ်။ ဒါဟာ မြန်မာဖက်ဒရယ်ဒီမိုကရေစီ ထူထောင်ဖို့အတွက် မဖြစ်မနေ လုပ်ဆောင်ရမှာ ဖြစ်ပါတယ်” မရတနာမောင် – Justice for Myanmar အဖွဲ့ပြောရေးဆိုခွင့်ရှိသူ

“မိုးတွင်းကာလဆိုပေမယ့် ကျနော်တို့ တော်လှန်ရေးအရှိန်ကို လုံးဝမနားဘူး။ တောက်လျှောက် ကျနော်တို့က တိုက်ပွဲဖော်ဆောင်သွားမှာပေါ့နော်။ ကျနော်တို့တောက်လျှောက် လုပ်သွားဖို့ အစီအစဉ်တွေလည်း ဆောင်ရွက်ထားပြီး ဖြစ်ပါတယ်။ ကျနော်တို့ တိုက်ပွဲကြားမှာတော့ မိုးတွင်းဆိုရင် ခက်ခဲတယ် ဆိုပေမယ့်လည်း ကျနော်တို့ရန်သူကို ဘယ်တော့မှ အချိန်မပေးဘူး” စောဒါးကို – ဒေါနစစ်ကြောင်းမှူး

“လျော့နည်း လာတယ်ပေါ့၊ ထောက်ပံ့မှုအင်အားတွေ လျော့နည်းလာတဲ့အတွက် စစ်ဘေးရှောင်တွေမှာ တစ်လမှာ ရက်ပေါင်း ၃၀ ရှိတဲ့ အနေအထားမှာ ၁၀ ရက်စာပဲ ထောက်ပံ့နိုင်တဲ့အတွက် ကျန်တဲ့ရက်ပေါင်း ၂၀ စာကိုကြတော့ သူတို့လည်း အခုဆိုရင် စုဆောင်းရှာမှရမယ်လေ” နွေဦးမေတ္တာအဖွဲ့မှ တာဝန်ရှိသူ အမျိုးသမီးတစ်ဦး

← Previous 1 … 39 40 41 42 43 … 85 Next →