အင်တာဗျူး

“တိုက်ပွဲဖြစ်ပြီးတဲ့နောက်ပိုင်း စစ်ရှောင်စခန်းတွေမှာ ကျောင်းကိုယ်စီတော့ ရှိကြတယ်။ ဒါပေမယ့် လိုအပ်ချက်တော့ အများကြီးရှိတယ်။ စာအုပ်၊ ဘောပင်တွေကအစပေါ့နော။ မိုးကာတွေရောပေါ့၊ စစ်ရှောင်တွေမှာက အရမ်းလိုအပ်တယ်။ ပြီးတော့ ဖတ်စာအုပ်ပေါ့၊ ကျောင်းတစ်ကျောင်းမှာဆိုရင် ဆရာမကိုင်တဲ့ တစ်အုပ်ပဲရှိတယ်၊ တခြားအလှူရှင်လည်းမရှိဘူး” ခူးကူးရယ်/ ဖေစိုးလေးလူငယ်အဖွဲ့ဥက္ကဌ

“အထူးသဖြင့်ကတော့ ကာကွယ်ရေးတပ်တွေဘက်ကပေါ့လေ၊ သူများလုပ်တိုင်း မလုပ်ဖို့လိုတယ်။ သူများ လုပ်သလို ကိုယ်က လိုက်လုပ်မယ်ဆိုရင် ကိုယ်တိုက်ထုတ်နေတဲ့ စစ်ကောင်စီနဲ့ ဘာမှ ထူးမှာမဟုတ်ဘူး။ အဲဒါမျိုးတွေမဖြစ်ဖို့ အထူးသဖြင့်လိုတယ်။ နောက် အမှားအယွင်းတွေကို တာဝန်ယူမှုတာဝန်ခံမှုရှိရှိ ဖြေရှင်းပေးဖို့ လိုအပ်တယ်” ကိုယောလေး – ပြည်သူ့ကူညီပေးရေးအဖွဲ့ (PMCSG)

“အဓိကကတော့ လုံခြုံရေးပဲ၊ လုံခြုံရေးသည် ပထမ၊ လုံခြုံရေးသည် ဒုတိယ၊ လုံခြုံရေးသည် တတိယ။ ဒီတခေါက် မလုံခြုံဘူးထင်ရင် နောက်တခေါက်မှလုပ်၊ အခုကတော့ ကိုယ့်အိမ်မှာကိုယ်နေတာ အခုလိုမျိုး ဟိုဘက်ရော ဒီဘက်ရော ထိန်းချုပ်ထားတဲ့နယ်မြေမှာနေရင် လုံခြုံရေးသတိရှိပါ။ ကိုယ့်နယ်မြေမှာဆိုပြီး မပေါ့ပါနဲ့” ဦးတိုးဇော်လတ် – အတွင်းရေးမှူး/ IPCM (လွတ်လပ်သောမြန်မာသတင်းမီဒီယာကောင်စီ)

“လွတ်မြောက်နယ်မြေတွေ၊ ထိန်းချုပ်ထားတဲ့နယ်မြေတွေမှာ သူတို့ (ULA) ရဲ့ စည်းမျဉ်းစည်းကမ်းအတိုင်း နေပေးဖို့ ကျနော်က ရမ်းဗြဲမြို့ရဲ့သင်ခန်းစာတွေယူပြီးတော့ ပြောချင်ပါတယ်။ ဒါ့အပြင် မထိန်းချုပ်ရသေးတဲ့ နေရာတွေ ဥပမာ – မြို့ပေါ်ရပ်ကွက်တွေအနေနဲ့လည်း ULA / AA ရဲ့ ညွှန်ကြားချက်အတိုင်း နေပေးဖို့ကိုလည်း ပြောကြားလိုပါတယ်” ဦးထွန်းထွန်းဦး/ (ရမ်းဗြဲမြို့နယ် ပြည်နယ်လွှတ်တော်ကိုယ်စားလှယ်ဟောင်း)

စက်သုံးဆီပြတ်လပ်မှုကြောင့် မွန်ပြည်နယ်အတွင်းလုပ်ငန်းနယ်ပယ်အသီးသီးက ဒေသခံပြည်သူတို့၏ အခက်အခဲစကားသံများ

“ငွေကြေးအခက်အခဲတွေကြောင့် ကျန်ခဲ့ကြတာ။ တိုက်ပွဲ ဒီဘက်ကဖြစ်ရင် ဟိုဘက်ကိုရှောင်မယ်၊ ဟိုဘက်ကဖြစ်လာရင် ဒီဘက်ကိုရှောင်မယ်ဆိုပြီး ကျန်ခဲ့ကြတာ။ အဓိက ငွေကြေးကျပ်တည်းလို့။ ပြီးတော့ ပိုက်ဆံရှိတဲ့လူတွေလည်း ဝယ်စားဖို့ ဈေးဆိုင်တွေမရှိတော့ဘူး” ဂွမြို့ခံတစ်ဦး

“အခုက တိုက်ပွဲကြားထဲ ကိုယ်ဝန်သည်မိခင်တွေ တော်တော်ဒုက္ခရောက်တယ်။ အရင်က ကျောက်မဲကနေ သီပေါ၊ နမ့်လန်ဘက် လှေနဲ့လာပြီး ကလေးမီးဖွားတာရှိတယ်။ အခုကြတော့ နမ့်လန်လည်း အခြေအနေမကောင်းတော့ ဆေးရုံလည်းပိတ်ပြီး ဆရာဝန်လည်း မရှိတော့ဘူး” သီပေါမြို့ဒေသခံတစ်ဦး

“အလွယ်တကူပွဲစားတွေ လက်ထဲအပ်ပြီး သွားရောက်တာမဟုတ်ဘဲနဲ့ လိမ်လည်လှည့်ဖြားခြင်းတွေ ကင်းဝေးဖို့ ထိုင်းနိုင်ငံမှာရှိတဲ့ အလုပ်သမားတွေကလည်း တရားဝင်ဖြစ်စေ တရားမဝင်ဖြစ်စေ လက်ရှိထိုင်းနိုင်ငံရဲ့ တည်ဆဲ ဥပဒေကို အစဉ်မပြတ် နိုးနိုးကြားကြားနဲ့လေ့လာပြီး နေထိုင်ဖို့ အားလုံးကိုအကြံပေးချင်ပါတယ်” ဦးအောင်ကျော် (အလုပ်သမားအခွင့်အရေးဖောင်ဒေးရှင်း- LRF)

“ကျွန်တော်တို့မွန်ပြည်နယ်မှာ စစ်မြေပြင်မှာ ကျွန်တော်တို့အချင်းချင်း စုစည်းပြီး တိုက်ပွဲဝင်နိုင်မှသာလျှင် ရန်သူကို ကျွန်တော်တို့ အလုံးအရင်းနဲ့ ကျွန်တော်တို့ တိုက်ဖျက်နိုင်မှာဖြစ်သလို ဒီစစ်ရေးကနေတဆင့် ကျွန်တော်တို့အချင်းချင်းကြားမှာ နိုင်ငံရေးအရလည်း အရှေ့ကို ဆက်သွားနိုင်ဖို့ လွယ်ကူသွားစေမယ်လို့ ကျွန်တော်ကယူဆပါတယ်” နိုင်‌ကောင်းစကား/ မွန်ပြည်သစ်ပါတီ (NMSP-AD)

← Previous 1 … 33 34 35 36 37 … 85 Next →