အင်တာဗျူး

“ကျမတို့တိုင်းပြည်ကြီးကို မြန်မြန်ပြန်ကောင်းစေချင်လှပြီ။ အဒေါ်တို့လို သက်ကြီးပိုင်းတွေဆိုတာ ဘယ်အချိန် သေမလဲဆိုတာ ပြောလို့မရဘူး။ သူများနိုင်ငံမှာ စစ်ဘေးဒုက္ခသည်အဖြစ်နဲ့တော့ မသေချင်ဘူး။ ဒါကြောင့် မြန်မာပြည်ကြီး အမြန်ကောင်းစေချင်လှပါပြီ” Pi Thiampar / မီဇိုရမ်ပြည်နယ် Tuirial စစ်ရှောင် စခန်းတွင်တိမ်းရှောင်နေထိုင်သူ အသက် ၆၂ အရွယ်ချင်းတိုင်းရင်းသူတစ်ဦး

“သတင်းမှန်ထုတ်တဲ့ ဌာနတွေ၊ ပလက်ဖောင်းတွေ လျော့သွားတယ်ဆိုရင်တော့ သတင်းတုသတင်းမှား တွေကတော့ ပိုနေရာယူရောက်လာမယ်။ ပြည်သူတွေထင်ယောင်ထင်မှား ပိုဖြစ်လာနိုင်တာပေါ့။ အဲ့တော့ အဲ့အန္တရာယ်တွေကိုတော့ ကျနော်တို့လွတ်လပ်တဲ့သတင်းမီဒီယာတိုက်တွေ သတင်းထောက်တွေကတော့ အတတ်နိုင်ဆုံး သတင်းမှန်တွေဖြည့်ဆည်းပေးပြီးတော့ ကျော်လွှားရမှာပေါ့” ဦးတိုးဇော်လတ် – အတွင်းရေးမှူး/ IPCM (မြန်မာသတင်းမီဒီယာကောင်စီ)

“ကျွန်မအနေနဲ့တော့ ဒီတော်လှန်ရေးထဲဝင်မယ်လို့ ဆုံးဖြတ်ကတည်းက သေနတ်ကိုင်ဖို့ဝင်လာတာ။ ဒီတော်လှန်ရေးထဲ ရောက်လာသူအချင်းချင်း လိင်ပိုင်းဆိုင်ရာခွဲခြားခြင်း မရှိဘူး။ အမျိုးသား၊အမျိုးသမီး တန်းတူပဲလို့ ကျွန်မခံယူတယ်လေ။ သူတို့ရဲ့ အထင်သေးတာကိုတော့မခံနိုင်ဘူး။ ဒီကို စစ်အာဏာရှင်ကို တော်လှန်ဖို့ ရောက်လာတာပါ” GiGi (လက်ဖြောင့်တပ်သား / PDF-Zoland)

“မြန်မာနိုင်ငံရဲ့ တိုင်းရင်းသားလူထုကလည်း သူတို့ရဲ့အခွင့်အရေးတွေကို အနာဂတ်ကာလမှာ ကာကွယ်မှု ရရှိဖို့အတွက် ဆယ်စုနှစ်ပေါင်းများစွာ ရုန်းကန်ကြိုးစားလာနေခဲ့ရတာ ဖြစ်ပါတယ်။ ဒီလိုမျိုးအနှစ်နှစ်အလလ ရုန်းကန်ကြိုးပမ်းမှုတွေက လူထုမျှော်မှန်းတဲ့အနာဂတ်ကို ရောက်ရှိနိုင်ဖို့အတွက် ဒီနွေဦးတော်လှန်ရေးက အခုချိန်မှာ အတူတကွစုစည်းမှု ဖြစ်စေတယ်လို့ မြင်ပါတယ်” Connor Macdonald – စည်းရုံးရေးနှင့် ဆက်သွယ်ရေးအရာရှိ / မြန်မာနိုင်ငံဆိုင်ရာအထူးအကြံပေးကောင်စီ (SAC-M)

“ရာမညပူးတွဲစစ်ကြောင်းရဲ့ စစ်ရေးရည်မှန်းချက် ဗျူဟာမြောက်စစ်ဆင်ရေးတွေ ပြုလုပ်သွားမှာပါ။ သို့သော်လည်း စစ်ရေးမဟာဗျူဟာနည်းဗျူဟာနဲ့ စစ်ဆင်ရေးတွေကို ဘယ်အချိန်ဘယ်နေရာ ဘယ်လို စစ်ရေးနည်းနဲ့ ပြုလုပ်သွားမယ်ဆိုတာ ပြောလို့မရသေးပါဘူး” – ဒေါက်တာသီရိမွန်ချမ်း (ရာမညစစ်ကြောင်း ပြောခွင့်ရသူ)

“ဒီတပွဲမှာ ဒီမျိုးဆက်မှာ အသေအချာနိုင်အောင် တိုက်နိုင်မယ်ဆိုရင်တော့ ဒီကောင်တွေပြုတ်ကျမယ်။ ဒါကြောင့် အားလုံးညီဖို့လိုတယ်။ ဟိုလူ့အပြစ်တင်၊ ဒီလူ့အပြစ်တင်နဲ့ ကိုယ်က နေသာသလိုနေတော့ လုပ်လို့မရဘူး။ ပထဆုံး ဘုံရန်သူ အမြစ်ပြတ်ဖို့ကိုပဲ ခေါင်းထဲထားပြီးတိုက်ရမှာ အဲ့ဒါအရေးကြီးနေတယ်” ရဲဘော်နီနီကျော် – PLA အထွေထွေအတွင်းရေးမှူး

မွန်ပြည်နယ်နေ့အပေါ် မွန်ပြည်သူလူထုတချို့၏ သဘောထားမှတ်ချက်ပြုစကားသံစုစည်းမှု။

“preparedness လုပ်ဖို့ ဗုံးခိုကျင်းတွေ ခိုင်ခိုင်ခံ့ခံ့ဆောက်ထားကြဖို့၊ အမြဲတမ်းသန့်ရှင်းရေး လုပ်ထားကြဖို့ပေါ့။ အရေးကြီးဆုံးကတော့ ညအချိန်ပေါ့နော၊ မီးတွေ မထိုးကြဖို့၊ ညအချိန် ဆိုင်ကယ်မမောင်းရဘူးဆိုတဲ့ဟာတွေ စည်းကမ်းထုတ်ထားပေးတယ်။ ပြီးတော့မှ လိုင်းတွေ တက်မသုံးကြဖို့ပေါ့နော၊ ဆိုတော့ ဒီဟာတွေက preparedness ပဲပေါ့နော။ ဒီဟာလေးတွေလောက်ပဲ ကျနော်တို့လုပ်နိုင်ပါတယ်” စစ်ရှောင်စခန်းကော်မတီ အတွင်းရေးမှူး (၁) ခွန်းရောဘတ်

“ကျနော်တို့ထိုးဖောက်ဝင်ရောက်တဲ့အခါမှာ မကွေးတိုင်း၊ အထူးသဖြင့် ကပစ (ကာကွယ်ရေးပစ္စည်းစက်ရုံ) တွေ ဒါတွေကို အဓိကစစ်ရေးအဖြစ်နဲ့ ကျနော်တို့ရည်ရွယ်ပါတယ်။ ကပစတွေဆိုတာ စစ်တပ်အတွက် အင်မတန်အရေးကြီးတဲ့ အသက်သွေးကြောတွေ ဖြစ်ပါတယ်။ ဒါတွေကို ကျနော်တို့က ချေမှုန်းနိုင်ဖို့ လိုပါတယ်” ကိုမင်းဟန်ထက် – ဗဟိုကော်မတီဝင်/ ကျောင်းသားလက်ရုံးတပ်တော် – SAF

← Previous 1 … 16 17 18 19 20 … 86 Next →