အင်တာဗျူး

“ဒီတိုင်းပြည်ကို ပြန်လည်ထူထောင်ရေး၊ ပြန်လည်ကယ်တင်တဲ့နေရာမှာလည်း လူငယ်ရဲ့အခန်းကဏ္ဍက သိပ်ကို အရေးကြီးတယ်။ သိပ်ကိုအရေးကြီးလို့ပဲ အခုတစ်နိုင်ငံလုံးကိုကြည့်ရင် စစ်ကောင်စီကိုတိုက်နေတဲ့လူတွေက အများအားဖြင့် လူငယ်တွေရဲ့ဦးဆောင်မှုပဲပေါ့နော။ အဲတော့ ဘယ်လောက်အရေးကြီးလဲဆို လူငယ်ရဲ့ဦးဆောင်မှု က လက်ရှိသာဓကကို ကျနောတို့ကြည့်ပြီးတော့ ပြောလို့ရနိုင်ပါတယ်” ဌာနမှူးကြီး ခွန်းသောမတ်စ်/ IEC လူငယ်ရေးရာဌာန

“ဧရာဝတီမြစ်ဝကျွန်းပေါ်ကိုသာ စစ်ရေးအရ ကျနော်တို့ချုပ်ကိုင်လို့ရပြီဆိုရင် စစ်အာဏာရှင်စနစ်က မခံနိုင် တော့ဘူးလေ။ နောက်ဆုံးခံတပ်လို့ပဲ ကျနော်တို့ကယူဆတယ်။ သူတို့ အဲဒီမှာခံယူထားတဲ့ ဧရာဝတီမြစ်ဝကျွန်း ပေါ်က စစ်ရေးအရ အသာစီးရပြီဆိုရင် သူတို့ရဲ့ထွက်ပေါက်တောင် ပိတ်သွားပြီလို့ ကျနော်တို့အဲ့လိုတွေးတယ်။ ဧရာဝတီမြစ်ဝကျွန်းပေါ် အကုန်လုံးကျမှသာ စစ်အာဏာရှင်စနစ်က ပြုတ်ကျမယ်လို့ ကျနော်တို့မြင်တယ်” IDNSC ဥက္ကဋ္ဌ မန်းဖန်းရှောင်း

“သူတို့တွေ လက်နက်ကိုင်ထားပြီးတော့ ဒေသခံပြည်သူတွေကို နှိပ်စက်တာများတယ်။ အဲလို ဖြစ်နေတယ်။ အဲဒါကြောင့် အခုဒီဘက်စစ်ကြောင်းကိုဝင်ပြီး ကိုယ်လုပ်နိုင် သလောက် ကိုယ့်ရဲ့မွန်ဒေသတွေကို ပြန်ယူမယ်။ ပြန်တိုက်မယ်။ ထိုင်းကိုတော့ ပြန်မသွားသေးဘူး၊ ဒီတိုက်ပွဲထဲကို ပြန်ဝင်မယ်” တပ်သားချမ်းမွန်/ ဒေါနစစ်ကြောင်းထံအလင်းဝင်လာသူမွန်လူငယ်တစ်ဦး

“အဆိုးဆုံးကဘာရှိလဲဆိုရင် ညလူနာအရေးပေါ်လာလို့ရှိရင် မီးစက်နိုးပေးရတယ်။ မီးစက်နိုးပေးရတော့ ဒီဇယ်ဓာတ်ဆီတွေ မရှိဘူး။ ဓာတ်ခွဲ (ဌာန) မှာ ရောဂါရှာဖွေဖို့က မီးစက်နိုးပေးမှ ကြည့်လို့ရတယ်လေ။ မိုက်ခရို စကုတ်နဲ့မှ ကြည့်လို့ရတယ်၊ အဲ့ဒီအတွက်ကလည်း အခုဆိုရင် ဓာတ်ဆီ၊ ဒီဇယ်ဆီအတွက် ကူညီမယ့်လူတွေ မရှိဘူးဖြစ်နေတယ်။ ငွေရေးကြေးရေးနဲ့ ကူညီမယ့်လူမရှိဘူး ဖြစ်နေတယ်” နော်ခူဖော-ညွှန်ကြားရေးမှူး/ ကရင်နီကျန်းမာရေးဌာန (KnHD)

“တရားဥပဒေစိုးမိုးရေး အဆင်မပြေရင်၊ လုပ်ငန်းတွေကိုထိရောက်တဲ့ စနစ်တကျမဆောင်ရွက်နိုင်ဘူးဆိုရင် ကျနော်တို့ရဲ့တော်လှန်ရေးက စကစကို နိုင်ရင်တောင်မှ ကျနော်တို့ဟာကျဆုံးမှာပဲဖြစ်တယ်။ ဘာလို့လဲဆိုရင် ပြည်သူတွေကြားမှာ ဖရိုဖရဲဖြစ်သွားမယ်” ဝန်ကြီး Pu Robin – ပြည်ထဲရေးဝန်ကြီးဌာန / ချင်းပြည်အစိုးရအဖွဲ့

“အခုမလေးရှားမှာ အမိမြေကနေတကယ်ကိုဒုက္ခရောက်ပြီး အခုမှပြောင်းရွှေ့လာကြတဲ့သူတွေ အရမ်းကိုခက်ခဲ နေတာတွေ့ရတယ်။ ဘာကြောင့်လဲဆိုတော့ မလေးရှားအစိုးရကနေပြီးတော့လည်း ဖမ်းဆီးစစ်ဆေးမှုတွေ အရမ်းလုပ်နေတယ်။ ဒီနိုင်ငံမှာက UN ကာကွယ်ပေးဖို့အတွက် အနည်းဆုံး ၃ နှစ်လောက်တော့ကြာတယ်။ … ပြီးတော့ ကချင်တွေဖမ်းခံရတာလည်း ၁၀၀ ဝန်းကျင်ရှိလာပြီ” Tu Tu Hkawng – အဖွဲ့တာဝန်ခံ / မလေးရှား Mungdan Ngangkang Komiti အဖွဲ့

“ခါတိုင်းထက်ဆိုးဝါးတာက သိန်းသန်းချီတဲ့ တရားမဝင်အထောက်အထားမဲ့ရွှေ့ပြောင်းတွေက ထိုင်းနိုင်ငံ ထဲမှာရောက်နေတယ်။ ကျွန်တော်တို့စိုးရိမ်တာသည် ထိုင်းအစိုးရအနေနဲ့ အဲဒီအထောက်အထားမဲ့ ရွှေ့ပြောင်း အလုပ်သမားတွေကို အထောက်အထားရှိအောင် ထိုင်းဘက်ကဆောင်ရွက်ပေးသလို တချိန်ထဲမှာပဲ ဖမ်းဆီး အရေးယူမှုတွေပြုလုပ်ပြီး နယ်နှင်ဒဏ်ပေးမှုတွေ ဆောင်ရွက်လိမ့်မယ်” FED အမှုဆောင်ဒါရိုက်တာဦးထူးချစ်

“အေးရှိတဲ့သူတွေ လူဆိုးရောလူကောင်းရောမောင်းထုတ်ဆိုရင် ကျတော်တို့အဲလိုရည်ရွယ်ချက် မရှိဘူးပေါ့ လေနော။ မကောင်းတဲ့သူတော့ ဖယ်ရှားသွားမယ်။ နှိမ်နင်းသွားမယ်။ နောက်ပိတ်ဆုံး ဒီလူတွေ မကောင်းမှန်း သိရင် ကျတော်တို့ဆက်ပြီးတော့ တာဝန်မယူတာဝန်မခံဘူး၊ သူ့ထိုက်နဲ့သူ့ကံသူသွားမယ်ပေါ့နော” DKBA စစ်ဦးစီးချုပ်ဗိုလ်ချုပ်စောဆန်းအောင်

“ကျနော်တို့အခုထုတ်ပြန်ထားတဲ့ ဧရာဝတီနဲ့ ပဲခူးတိုင်းဆိုတဲ့နေရာတွေမှာပဲ အမြဲတမ်းနေ, နေမှာမဟုတ်ဘဲ အဲ့ဒီနေရာတွေမှာ လွတ်မြောက်သွားခဲ့ပြီးတော့ တခြားနေရာတွေမှာ ဖိနှိပ်ခံနေရတာတွေ ရှိနေသေးရင် အဲ့ဒီနေရာတွေအတွက်လည်း ကျနော်တို့ဆက်ပြီး တော်လှန်သွားမှာဖြစ်တယ်” နန့်ရတီဦး- အထွေထွေ အတွင်းရေးမှူး/ ပြည်သူ့ညီညွတ်ရေးတပ်ဦး (PUF)

← Previous 1 … 17 18 19 20 21 … 85 Next →