အင်တာဗျူး

“ဒီနေ့အလုပ်က စစ်အာဏာရှင်စနစ်ကို မြန်မာ့နိုင်ငံရေးကနေပြီးတော့မှ ဖယ်ရှားရေးအလုပ်ဟာ ဒီနေ့ ကျနော်တို့ အားလုံးရဲ့တာဝန်လို့ယူဆပါတယ်။ နိုင်ငံရေးပြဿနာကို နိုင်ငံရေးအင်အားစုတွေအားလုံးက ဝိုင်းဝန်းဖြေရှင်း ရမယ်ဆိုတာသေချာတယ်။ ဒါပေမဲ့ နိုင်ငံရေးပြဿနာကို စစ်တပ်ကဦးဆောင်ပြီး ဖြေရှင်းမယ့် အခင်းအကျင်း ဟာတော့ ဗမာပြည်သမိုင်းမှာရပ်တန့်သင့်ပြီလို့ ကျနော်ယူဆပါတယ်” ABSDF ဥက္ကဋ္ဌ ရဲဘော်သံခဲ

“တော်လှန်ရေးတပ်တွေအနေနဲ့တော့ ရန်သူရဲ့အားပျော့နေတဲ့အပိုင်းတွေကို မပြတ်စောင့်ကြည့်နေပြီး ဆက်လက် တိုက်ခိုက်သွားမှာဖြစ်လို့ ဒီနှစ်အတွင်းမှာ တနင်္သာရီတိုင်းအနေနဲ့ နေရာတိုင်း တိုက်ပွဲတွေဖြစ်နေမယ့် အခြေအနေ ရှိနေပါမယ်” – တိုင်းစစ်ဌာန (တနင်္သာရီ) ကွပ်ကဲရေးမှူး ရဲဘော်စတား

“ကျွန်တော်တို့ရဲ့စစ်ရေးလှုပ်ရှားမှုမှာ အခက်အခဲတွေ အများကြီးရှိသေးတယ်။ စစ်အင်အားရော လက်နက် အင်အားရော အများကြီးလိုတယ်။ လက်နက်အင်အားကဆို စစ်သေနကဗျူဟာတွေအတွက် လက်နက်ကြီး တွေလိုတယ်။ ဒါတွေမရှိတာကြောင့်ပဲ ကျွန်တော်တို့က ဒီတော်လှန်ရေးတပ်တွေနဲ့ စုပေါင်းပြီးမှ တိုက်ခိုက် နေရတယ်။ ဒါပေမဲ့ ရှိတဲ့လက်နက်တွေနဲ့ ကျွန်တော်တို့တိုက်ပွဲတွေ ဆက်လက်ဖော်ဆောင်သွားမယ်” MSRF ပြောရေးဆိုခွင့်ရှိသူ နိုင်နဂါး

“အလယ်ကျွန်း၊ ဆင်မရဲရွာ၊ ကိုရင်ကျွန်း၊ နှောင်းဘရွာ၊ ဇီးပင်ကုန်း၊ တောင်ကျွန်း၊ အလယ်သောင်…… ငါန်းမြာလေးရွာ အဲ့ဒီကဒေသခံအကုန်လုံး ထွက်ပြေးနေရတယ်။ လူကတော့ ငါးထောင်ကျော်၊ တစ်သောင်းလောက်ရှိလောက်မယ်။ ရာသီဥတုက ပူပူနဲ့ နီးစပ်ရာတောထဲကို ပြေးကြ၊ ရှောင်ကြရတာပါပဲ” ရေစကြိုဒေသခံတစ်ဦး

လေကြောင်းနှင့် လက်နက်ကြီးရန် စိုးရိမ်ပူပန်မှုများကြားက စားဝတ်နေထိုင်ရေး ရုန်းကန်ဖြေရှင်းနေကြသည့် ဖယ်ခုံအင်းအရှေ့ဘက်ကျေးရွာခံတို့၏ စကားသံတချို့။

“အဓိက သင်တန်းတွေပေးမယ်။ အစာအာဟာရတွေ ပေးမယ်။ သူတို့အတွက် လိုအပ်တဲ့ လေကြောင်းရန် ကာကွယ်ရေးစနစ် Sirens တို့ပဲဖြစ်ဖြစ်၊ ဆိုလာတို့ စကားပြောစက်တို့ပဲ အဓိက သွားပေးတယ်။ ပြီးတော့ နည်းစနစ်တွေကို အဓိက သွားပေးတဲ့အဖွဲ့တွေ ဖြစ်တယ်ပေါ့နော်” ခွန်းလုံး – နည်းပြတာဝန်ခံ / ပျက်စီးဆုံးရှုံးနိုင်ခြေလျော့ချရေးအဖွဲ့(RRI)

“တော်လှန်ရေးထိန်းချုပ်နယ်မြေတွေကို ပြန်ရဖို့အတွက် အရပ်သားပြည်သူတွေကို ပစ်မှတ်ထားတိုက်တာ၊ ဗုံးကြဲတာ၊ စာသင်ကျောင်းတစ်ကျောင်းနဲ့ လူနေအိမ် ၅၀ ကျော်လည်း ပျက်စီးခဲ့သေးတယ်။ အခုလည်း လေကြောင်းက ဝဲဝဲနေတာ ဘယ်အချိန်ပစ်ချမလဲ ဗုံးကြဲမလဲ ကြည့်နေရတာပါပဲ။ တိုက်ပွဲကလည်းရှိနေ၊ စစ်ကြောင်းကလည်းထိုးနေတော့ လေကြောင်းက မပြတ်ပါဘူး” မတ္တရာဒေသခံတစ်ဦး

တက္ကသိုလ်ဝင်စာမေးပွဲအဖြေလွှာများ မီးလောင်ပျက်စီးခဲ့သည့်အပေါ် စာမေးပွဲထပ်မံဖြေဆိုရမည်ဟု စစ်ကောင်စီ ပညာရေးဝန်ကြီးဌာနက ထုတ်ပြန်မှုနှင့်ပတ်သက်ပြီး စစ်ကိုင်းတိုင်းမှ စစ်ဘေးရှောင် ကျောင်းသား/ကျောင်းသူနှင့် မိဘတို့၏ အခက်အခဲစကားသံတချို့။

“တခြားထောင်တွေမှာဆိုရင် သတင်းအမှောင်ချခံထားတာတွေရှိတယ်။ အိုးဘို (မန္တလေး) ထောင်မှာဆိုရင် ပျက်စီးနေတဲ့ ပြိုကျနေတဲ့ အဆောက်အဦတွေထဲမှာ နိုင်ငံရေးအကျဉ်းသူအကျဉ်းသားတွေ ထားရှိတာ မျိုးတွေကအစ စစ်ကောင်စီနဲ့ အကျဉ်းဦးစီးက လုပ်ဆောင်နေတာတွေကို ကြားသိရတယ်” မဇူးဇူးမေယွန်း- ပြောရေးဆိုခွင့်ရှိသူ/ အမျိုးသမီးအကျဉ်းသူများအဖွဲ့ (WOPP)

← Previous 1 … 14 15 16 17 18 … 86 Next →