အင်တာဗျူး

“အခုဆို လနဲ့ချီ စစ်ဘေးရှောင်နေရတဲ့ အခြေအနေဆိုတော့ အရင်က ခဏစစ်ဘေးရှောင်ရာကနေ အခုလနဲ့ချီ ပြောင်းရွေ့နေရတော့ ဆေးဝါးတွေ၊ စားနပ်ရိက္ခာတွေ မရရှိဘူး။ ကျန်းမာရေးဆိုလည်း ဆေးဝါးတွေမရတော့ စိန်ခေါ်မှုတွေ ဖြစ်လာတယ်။ ခက်တာက အလုပ်အကိုင်တွေလည်း လုပ်လို့မရဘူး” ခုနစ်စဉ်ကြယ်အဖွဲ့ တာဝန်ရှိသူတစ်ဦး

“AA ရဲ့ အခု တိုင်း ၃ တိုင်းကို ဖြန့်လာတဲ့စစ်ဆင်ရေးကို အားရကြတယ်။ ပူးပေါင်းပါဝင်မှုရှိတယ်။ အခုဖြစ်နေတဲ့ စစ်ဆင်ရေးကနေ နောက်ထပ်ရှေ့ကိုသွားမယ့်ခြေလှမ်းဟာ နေပြည်တော်မှာရှိတဲ့ ဖက်ဆစ်စစ်တပ်ဟာ အိပ်လို့မရ စားလို့မဝင်ဆိုတဲ့ အနေအထားမျိုးထိရောက်နိုင်တယ်။ သူတို့တွေရဲ့ထိုင်ခုံတွေဟာ လှုပ်လာတယ်။ ဖက်ဆစ် စစ်တပ်ရဲ့ အုပ်ချုပ်ရေးမဏ္ဍိုင်ဟာ လုံးဝပြိုလဲသွားနိုင်တဲ့ အနေအထားအထိ ရောက်လာနိုင်ပါတယ်” ဦးမျိုးကျော် – အထွေထွေအတွင်းရေးမှူး / ရခိုင်ဒီမိုကရေစီအဖွဲ့ချုပ် (ALD) ပါတီ

“ရှေ့ကနေသွားတဲ့ခေါင်းဆောင်တွေက သူတို့နောက်ကနေလိုက်ဖို့ ၊ သူတို့အမိန့်ကို နာခံဖို့အတွက်ပဲ အားသန် နေကြတယ်။ အခုက ကျမတို့သျှမ်းလက်နက်ကိုင် တော်လှန်ရေးမှာပဲဖြစ်ဖြစ် ၊ နိုင်ငံရေးမှာပဲဖြစ်ဖြစ် အချင်းချင်း ကွဲပြဲနေကြတယ်။ အချင်းချင်း ရင်ကြားစေ့နိုင်တာတွေမရှိဘူး။ အချင်းချင်း ချစ်ခင်တာတွေမရှိဘူး။ အဲတော့ ရှေ့မျိုးဆက်ကအတိုင်းပဲဆိုရင် ကျမတို့လူငယ်တွေစိတ်ပူတယ်” ယိင်းမွေလျန်း / သျှမ်းကျောင်းသားသမဂ္ဂ (TSU) ဦးဆောင်ကော်မတီဝင်

“ဒီတိုင်းပြည်ကို ပြန်လည်ထူထောင်ရေး၊ ပြန်လည်ကယ်တင်တဲ့နေရာမှာလည်း လူငယ်ရဲ့အခန်းကဏ္ဍက သိပ်ကို အရေးကြီးတယ်။ သိပ်ကိုအရေးကြီးလို့ပဲ အခုတစ်နိုင်ငံလုံးကိုကြည့်ရင် စစ်ကောင်စီကိုတိုက်နေတဲ့လူတွေက အများအားဖြင့် လူငယ်တွေရဲ့ဦးဆောင်မှုပဲပေါ့နော။ အဲတော့ ဘယ်လောက်အရေးကြီးလဲဆို လူငယ်ရဲ့ဦးဆောင်မှု က လက်ရှိသာဓကကို ကျနောတို့ကြည့်ပြီးတော့ ပြောလို့ရနိုင်ပါတယ်” ဌာနမှူးကြီး ခွန်းသောမတ်စ်/ IEC လူငယ်ရေးရာဌာန

“ဧရာဝတီမြစ်ဝကျွန်းပေါ်ကိုသာ စစ်ရေးအရ ကျနော်တို့ချုပ်ကိုင်လို့ရပြီဆိုရင် စစ်အာဏာရှင်စနစ်က မခံနိုင် တော့ဘူးလေ။ နောက်ဆုံးခံတပ်လို့ပဲ ကျနော်တို့ကယူဆတယ်။ သူတို့ အဲဒီမှာခံယူထားတဲ့ ဧရာဝတီမြစ်ဝကျွန်း ပေါ်က စစ်ရေးအရ အသာစီးရပြီဆိုရင် သူတို့ရဲ့ထွက်ပေါက်တောင် ပိတ်သွားပြီလို့ ကျနော်တို့အဲ့လိုတွေးတယ်။ ဧရာဝတီမြစ်ဝကျွန်းပေါ် အကုန်လုံးကျမှသာ စစ်အာဏာရှင်စနစ်က ပြုတ်ကျမယ်လို့ ကျနော်တို့မြင်တယ်” IDNSC ဥက္ကဋ္ဌ မန်းဖန်းရှောင်း

“သူတို့တွေ လက်နက်ကိုင်ထားပြီးတော့ ဒေသခံပြည်သူတွေကို နှိပ်စက်တာများတယ်။ အဲလို ဖြစ်နေတယ်။ အဲဒါကြောင့် အခုဒီဘက်စစ်ကြောင်းကိုဝင်ပြီး ကိုယ်လုပ်နိုင် သလောက် ကိုယ့်ရဲ့မွန်ဒေသတွေကို ပြန်ယူမယ်။ ပြန်တိုက်မယ်။ ထိုင်းကိုတော့ ပြန်မသွားသေးဘူး၊ ဒီတိုက်ပွဲထဲကို ပြန်ဝင်မယ်” တပ်သားချမ်းမွန်/ ဒေါနစစ်ကြောင်းထံအလင်းဝင်လာသူမွန်လူငယ်တစ်ဦး

“အဆိုးဆုံးကဘာရှိလဲဆိုရင် ညလူနာအရေးပေါ်လာလို့ရှိရင် မီးစက်နိုးပေးရတယ်။ မီးစက်နိုးပေးရတော့ ဒီဇယ်ဓာတ်ဆီတွေ မရှိဘူး။ ဓာတ်ခွဲ (ဌာန) မှာ ရောဂါရှာဖွေဖို့က မီးစက်နိုးပေးမှ ကြည့်လို့ရတယ်လေ။ မိုက်ခရို စကုတ်နဲ့မှ ကြည့်လို့ရတယ်၊ အဲ့ဒီအတွက်ကလည်း အခုဆိုရင် ဓာတ်ဆီ၊ ဒီဇယ်ဆီအတွက် ကူညီမယ့်လူတွေ မရှိဘူးဖြစ်နေတယ်။ ငွေရေးကြေးရေးနဲ့ ကူညီမယ့်လူမရှိဘူး ဖြစ်နေတယ်” နော်ခူဖော-ညွှန်ကြားရေးမှူး/ ကရင်နီကျန်းမာရေးဌာန (KnHD)

“တရားဥပဒေစိုးမိုးရေး အဆင်မပြေရင်၊ လုပ်ငန်းတွေကိုထိရောက်တဲ့ စနစ်တကျမဆောင်ရွက်နိုင်ဘူးဆိုရင် ကျနော်တို့ရဲ့တော်လှန်ရေးက စကစကို နိုင်ရင်တောင်မှ ကျနော်တို့ဟာကျဆုံးမှာပဲဖြစ်တယ်။ ဘာလို့လဲဆိုရင် ပြည်သူတွေကြားမှာ ဖရိုဖရဲဖြစ်သွားမယ်” ဝန်ကြီး Pu Robin – ပြည်ထဲရေးဝန်ကြီးဌာန / ချင်းပြည်အစိုးရအဖွဲ့

“အခုမလေးရှားမှာ အမိမြေကနေတကယ်ကိုဒုက္ခရောက်ပြီး အခုမှပြောင်းရွှေ့လာကြတဲ့သူတွေ အရမ်းကိုခက်ခဲ နေတာတွေ့ရတယ်။ ဘာကြောင့်လဲဆိုတော့ မလေးရှားအစိုးရကနေပြီးတော့လည်း ဖမ်းဆီးစစ်ဆေးမှုတွေ အရမ်းလုပ်နေတယ်။ ဒီနိုင်ငံမှာက UN ကာကွယ်ပေးဖို့အတွက် အနည်းဆုံး ၃ နှစ်လောက်တော့ကြာတယ်။ … ပြီးတော့ ကချင်တွေဖမ်းခံရတာလည်း ၁၀၀ ဝန်းကျင်ရှိလာပြီ” Tu Tu Hkawng – အဖွဲ့တာဝန်ခံ / မလေးရှား Mungdan Ngangkang Komiti အဖွဲ့

← Previous 1 … 18 19 20 21 22 … 86 Next →