အင်တာဗျူး

“စကစနဲ့ ZRA ပူးပေါင်းထားတာလေ။ ZRA က မီးသတ်ကုန်းမှာ စခန်းအထိုင်ချတယ်။ စကစက ရိပ်သာ၊ ကိုဗစ် စင်တာ၊ နတလတို့မှာ အခိုင်အမာတပ်စွဲထားတာတောင် ကျနော်တို့တိုက်ထုတ်နိုင်သေးတာပဲ။ အခုက ကျနော်တို့က တောင်ကြောတခုလုံးမှာ နေရာယူထားပြီးပြီ။ ကျနော်တို့ကတွန်းဇန်မြို့နယ်ကို ZRA ကို တလက်မ တောင်မှ ဖဲ့ပေးနိုင်မှာမဟုတ်ဘူး” ပူးထန်ဆွင်းမုန်/တွန်းဇန်မြို့နယ်ကောင်စီဥက္ကဌ

“ထိခိုက်ပျက်စီးမှုကတော့ ကမ်းနီရွာမှာ ဘုန်းကြီးကျောင်းလည်း ပျက်စီးတယ်။ တိုက်အိမ်တွေလည်း ပျက်စီးတယ်။ လူတွေလည်း သေတယ်။ ကိုယ်ဝန်ဆောင်မိခင်လည်း ပါတယ်။ မနေ့က ဗုံးကြဲတာလည်း လူဦးရေ သုံးယောက်လောက် သေတယ်တယ်လို့ကြားတယ်။ ကလေးတွေရော ပါတယ်” ကရင်အရပ်ဖက်အဖွဲ့အစည်း တာဝန်ခံ

“ရွာထဲမှာ စစ်တပ်နဲ့ ပြည်သူ့စစ်အဖွဲ့တွေရှိနေသရွေ့က တိုက်ပွဲက ဆက်ဖြစ်နေအုံးမှာဖြစ်တယ်။ နှစ်ဖက်တပ်လည်း ရွာထဲကိုဝင်လိုက်ထွက်လိုက်နဲ့ ဖြစ်နေအုံးမှာပဲ။ ဒါကြောင့် စစ်ရှောင်တွေက နေရပ်ပြန်ဖို့က လွယ်လွယ်နဲ့ မဖြစ်နိုင်သေးဘူး…” လဝါးစစ်ရှောင်များကိုကူညီပေးနေသူတစ်ဦး

“ဝန်ကြီးချုပ်ကြီးနဲ့ မလေးရှားဝန်ကြီးချုပ်တို့ တွေ့တဲ့အချိန်တုန်းကလည်း လူချင်းတွေ့ဆုံမှုဆိုတဲ့ကိစ္စတွေလည်း ပြောခဲ့တာရှိတယ်။ အွန်လိုင်းကနေ တွေ့ဆုံတာကလည်းကောင်းသလို ဒါပေမယ့် တကယ်တမ်း မြေပြင်မှာ လူချင်းတွေ့ဆုံနိုင်ဖို့ အခြေအနေမျိုးဆို ပိုပြီးရင်းနှီးကျွမ်းဝင်မှုပိုရှိတယ်။ ဒါကြောင့်မို့ ဒါတွေကလည်းဖြစ်လာဖို့ ရှိပါတယ်” – ဦးနေဘုန်းလတ်/ NUG ဝန်ကြီးချုပ်ရုံးပြောခွင့်ရသူ

“တံတားဦးမှာ တအိမ်ဝင်တအိမ်ထွက်သွားလှူတော့ အမေကြီးတွေဦးလေးကြီးတွေက ပြောကြတယ်။ သျှမ်းပြည်မှာ ဒီလောက်စစ်ဖြစ်နေတာ ငါတို့တောင်တခါမှမရောက်ခဲ့ဖူးဘူး၊ ဘယ်သူမှလည်း တကူးတက သွားမကူကြဘူးတဲ့။ ကိုယ့်အလှည့်ဖြစ်တော့ ခဲရာခဲဆစ်အခြေအနေ လုံးဝမဟန်တဲ့နယ်မြေကနေ ဒီအထိ တကူးတက လာကူပေးကြတယ်ဆိုပြီး တချို့အိမ်တွေဆို ဝမ်းသာလွန်းလို့ငိုကြတယ်” သျှမ်းလူငယ်တစ်ဦး

“ကျနော်တို့ကူညီချင်ပေမဲ့ လာရောက်လှူဒန်းတဲ့ ငွေကြေးကများမလာတဲ့အတွက် ဘယ်နေရာက အဖြစ်များဆုံး အခက်ခဲဆုံးလဲ၊ အဲ့လိုနေရာကိုပဲ ကြည့်ပြီးလုပ်ရတယ်။ ပုံမှန်ရနေကြလူတွေတော့ အနည်းငယ်၊ နည်းသွားတာမျိုးရှိမယ်။ အဲ့လိုပုံစံမျိုးတော့ဖြစ်သွားတယ်” စောခဲလေ – ဒုညွန်ကြားရေးမှူး / CIDKP

“လက်ရှိဖလမ်းမြို့အခြေအနေကတော့ မြို့တွင်းသန့်ရှင်းရေးနဲ့ နယ်မြေရှင်းလင်းရေးကို ဆောင်ရွက်နေဆဲ အခြေအနေမှာဖြစ်တဲ့အတွက် ဘယ်သူမှဝင်ခွင့်မရသေးပါဘူး။ လက်နက်ကိုင်အဖွဲ့တွေပဲ လုံခြုံရေးအရ ကျနော်တို့ နယ်မြေရှင်းလင်းရေးလုပ်ဆောင်နေဆဲ အခြေအနေဖြစ်တယ်။ စကစဘက်ကတော့ တုန့်ပြန်မှု ဘာမှတော့မရှိဘူး” ဆလိုင်းတီမီ – CNO/CNDF ပြောရေးဆိုခွင့်ရှိသူ

“ဒီနေ့အထိ အဆက်အသွယ်လည်းမရဘူး။ အသက်ရှင်သေးလား သေသွားပြီးလား ဆိုတာလည်း ကျမတို့မသိဘူး။ အိမ်ရှင်ပြန်လာမယ်လို့တော့ မျှော်လင့်ထားတာရှိတယ်။ ဒါပေမဲ့ အခုက မရှိသလို ရှိသလို တွေးနေတယ်။ ဘာလို့လဲဆိုတော့ သူတို့ (စစ်ကောင်စီ) လက်ထဲမှာ ရှိနေတာလေ။ သတ်ပစ်လို့လည်း ရတယ်။ မသတ်ဘဲ အရှင်ထားမယ်ဆိုရင်လည်း ထားလို့ရတယ်” ဒေါ်သန်းခင်/ စစ်တွေ၊ အမြင့်ကျွန်းကျေးရွာ

“အခု လားရှိုးမြို့ကိုဝင်သိမ်းတယ်၊ ဝင်သိမ်းပြီးရင် ဘယ်လိုထိန်းမလဲ။ အစီအစဉ်မရှိဘဲနဲ့ လားရှိုးမြို့ကိုဝင်သိမ်းတယ်၊ ပြည်သူတွေ ထွက်ပြေးရတယ်။ သူခိုးဘေးဖြစ်တယ်။ စစ်ဘေးက ခံရပါတယ်ဆိုနေမှ သူခိုးဘေးကထပ်ခံရတယ်။ လားရှိုးကပြည်သူတွေဆိုရင် တော်တော်လေးကို ခါးစည်းပြီးတော့ခံရတယ်” လားရှိုးဒေသခံတစ်ဦး

← Previous 1 … 15 16 17 18 19 … 86 Next →