အင်တာဗျူး

“….ပါဝင်တဲ့အဖွဲ့တွေတစ်ဖွဲ့ချင်းစီက ကျစ်လျစ်တဲ့စည်းကမ်းရှိတဲ့ တပ်ဖွဲ့တွေဖြစ်လာအောင် တည်ဆောက်ရင်းနဲ့ မှပေါ့နော၊ အဲဒီကနေမှပဲ တဖြေးဖြေးပူးပေါင်းလာကြဖို့ပေါ့။ အဲဒီ ၆ ဖွဲ့လုံး တစ်ဖွဲ့ဖြစ်လာအောင် ပူးပေါင်းလာဖို့ ပေါ့လေ အဲလိုမျိုးပါ” ဆလိုင်းယောမန် / ပြောရေးဆိုခွင့်ရှိသူ – ချင်းညီနောင်အဖွဲ့(CB)

“ကလေးငယ်တွေပါတယ်။ မသန်စွမ်းတွေပါတယ်။…..အသက်ကြီးသူတွေလည်း တိမ်းရှောင်နေရတယ်။ ကိုယ်ဝန်ဆောင်တွေဆိုလည်း ဆေးဝါးကုသမှုတွေလည်း မရရှိဘူး။ စစ်ကောင်စီက လေကြောင်းတိုက်ခိုက်မှုတွေ လုပ်နေတဲ့အခါမှာ ဆေးရုံ၊ဆေးခန်းတွေကို လိုက်ဖျက်ဆီး နေတာ။ အပြစ်မဲ့ပြည်သူတွေကို လိုက်ပစ်ခတ်နေတာ လုံးဝလူမဆန်တဲ့လုပ်ရပ်ဖြစ်တယ်။ စားနပ်ရိက္ခာလည်း လုံလုံလောက်လောက်လည်း မရရှိနေဘူး” နော်ချယ်ရီ / KPSN ပြောရေးဆိုခွင့်ရှိသူ

“လူထုသဘောကျတဲ့ ဖွဲ့စည်းပုံအခြေခံဥပဒေတို့၊ ရွေးကောက်ပွဲစနစ်တို့ မဟုတ်ဘဲနဲ့ တဖက်သတ်ရေးဆွဲထားတဲ့ မူအတိုင်း ဥပဒေအတိုင်း ဒီတိုင်းပဲဆက်သွားမယ်ဆိုရင် ဒါဟာ နိုင်ငံရေးအဖြေမဟုတ်ဘူး။ နိုင်ငံရေးအဖြေ မဟုတ်တဲ့ ရွေးကောက်ပွဲကို ကျနော်တို့ ဘယ်လိုမှ လက်ခံစဉ်းစားလို့မရတဲ့အတွက်ကြောင့်မို့လို့ ကျနော်တို့ ရပ်တည်ချက်က နဂိုအတိုင်းပဲရှိတယ်လို့ ဖြေကြားလိုပါတယ်ခင်ဗျ” စိုင်းလိတ်/ SNLD ပါတီ အထွေထွေအတွင်းရေးမှူး

“ကျနော်တို့ဘယ်လောက်ပဲ စစ်ရေးပိုင်းဆိုင်ရာ အောင်မြင်၊ အောင်မြင်၊ ဘယ်လောက်ပဲ နိုင်ငံရေးပိုင်းဆိုင်ရာမှာ အောင်မြင်ခဲ့ရင်တောင်မှ ကျနော်တို့ချင်းပြည်အတွင်းမှာ နှစ်ခြမ်းကွဲနေတာတို့ ၊ စည်းလုံးညီညွတ်မှုမရှိတာက တဖက်ကနေ အောင်မြင်တယ်လို့ပြောလို့မရပါဘူး။ ဒီဟာတွေကိုလည်း ကျနော်တို့ဘက်ကနေ ငြိမ်းချမ်းရေး လမ်းစဉ်ပေါ့လေ၊ ဆက်လက်ပြီးတော့သွားဖို့ရန် ပြင်လည်းပြင်ဆင်ထားပါတယ်” ဆလိုင်းတီမီ/ CNDF နှင့် ချင်းညီနောင်အဖွဲ့ပြောရေးဆိုခွင့်ရှိသူ

ရခိုင်အမျိုးသားနေ့တွင် အာရက္ခပြည်သူများကပြောသော ရင်တွင်းမျှော်လင့်ချက်စကားသံတချို့။

“ပထမ လေယာဉ်ကဝဲနေတော့ ကလေးတွေကို အထဲထဲကိုသွင်းတယ်။ အထဲထဲမှာ ရှိနေတယ်။ နောက်တခါကြ မရတော့ ပစ်တော့မယ်ဆိုတော့ ဆရာ၊ဆရာမတွေက ထွက်ကြ ထွက်ကြလို့ ထွက်ခိုင်းလိုက်တဲ့အနေအထားမျိုးမို့ ဒီလောက်ဒဏ်ရာရတာ။ မထွက်ခိုင်းဘူးဆိုရင်တော့ ကျောင်းထဲမှာစာသင်တဲ့ ကျောင်းသူကျောင်းသားဦးရေ အကုန် ၃၀၀ လောက်ရှိတယ်။ အကုန်သေမှာ” ဒီပဲယင်းဒေသခံတစ်ဦး

“ဒီစစ်ကောင်စီကိုတော့ ကျွန်တော်တို့ မဟာမိတ်ပူးပေါင်းအဖွဲ့နဲ့သော်လည်းကောင်း မွန်ပြည်တော်လှန်ရေးတပ် MSRF သီးသန့်အနေနဲ့သော်လည်းကောင်း ဆက်လက်ပြီးတော့ တိုက်ပွဲဖော်ဆောင်သွားဖို့ပဲ ရှိတယ်။ ထိုးစစ် ကြီးကြီးမားမားတွေ မြို့သိမ်းတိုက်ပွဲတွေ မဖော်ဆောင်နိုင်ဘူးလားဆို ဒါကတော့ အခြေအနေပေါ်မှာမူတည်ပြီး လုပ်သင့်ရင်လုပ်သွားရမှာပဲ” နိုင်နဂါး – မွန်ပြည်တော်လှန်ရေးတပ်/ MSRF

“ကျွန်တော်တို့ ၇ ဖွဲ့ထဲနဲ့ ဘယ်လိုမှအကောင်အထည်ဖော်နိုင်တဲ့ အခြေအနေလည်းမရှိပါဘူး။ အကျပ်အတည်းတွေ ကျော်လွှားဖို့အတွက် မရှိမဖြစ် ပါသင့်ပါထိုက်တဲ့လူပုဂ္ဂိုလ်တွေ အဖွဲ့အစည်းတွေ ပါရမယ်ဆိုတာက အတိအလင်း နားလည်ထားတယ်။ သက်ဆိုင်သမျှအားလုံးကနေပြီးတော့ ဒါ တော်တော်လေးကျယ်ပြန့်ပါတယ်” ဗိုလ်မှူးကြီးစောကျော်ညွန့် / 7EAO Alliance အဖွဲ့ပြောခွင့်ရ

“ဘယ်လိုအမှုတွေကို စိစစ်ရလဲဆိုလို့ရှိရင် ဘာသာရေးနဲ့သက်ဆိုင်တဲ့ အမှုတွေ၊ ကျနော်တို့ရပ်ရွာမှာ တစုံတခုဆိုလို့ရှိရင် ကြီးလေးတဲ့ရာဇဝတ်မှုကလွဲပြီး ကျန်တဲ့အမှုတွေအားလုံးဟာ ကျနော်တို့လူမျိုးတစ်မျိုးအတွက် အဓိက ဖြေရှင်းပေးနိုင်တဲ့ ရုံးတစ်ရုံးဖြစ်ပါတယ်” အတွင်းရေးမှူးဦးညီညီဝင်း/ အမှတ် (၁) မွတ်ဆလင်ရေးရာရုံး

← Previous 1 … 11 12 13 14 15 … 85 Next →