အင်တာဗျူး

“ဘာပဲဖြစ်ဖြစ် အရပ်သားပြည်သူတွေ သေဆုံးနေတာကလည်း စစ်ကောင်စီစစ်ကြောင်း ဝင်ရောက်လာကတည်းကဖြစ်တဲ့အတွက် စစ်တပ်ရဲ့လုပ်ရပ်တွေပဲဖြစ်တယ်။ တခုခုဆိုရင် သတိပေးပြောဆိုတာတွေ၊ ကိုယ့်အဖွဲ့က တခုခုဖြစ်ရင် ဖမ်းမယ်၊ ရိုက်မယ်ဆိုပြီး လုပ်ကြတဲ့အထိ စည်းလုံးကြတယ်။ အချင်းချင်း ကာကွယ်ကြတယ်ပေါ့” ဖားကန့်ဒေသခံအမျိုးသားတစ်ဦး

“အမျိုးသမီးရဲဘော်တွေက ဒီမှာ ပထမဆုံးအနေနဲ့ စခန်းသိမ်းဝင်တိုက်တယ်ဆိုပေမယ့် တခြား ပြောက်ကျားတိုက်ပွဲတွေမှာလည်း အမျိုးသမီးတွေ ဝင်တိုက်တာတွေလည်းရှိတယ်။ ဒီတိုက်ပွဲကတော့ ပိုကြီးတယ်ပေါ့နော်။ အမျိုးသမီးတွေပါဝင်တဲ့ အရေအတွက်လည်း ပိုများတယ်။ ပထမတိုက်ပွဲတွေမှာလည်း အမျိုးသမီးတွေက ဆေးတပ်တွေ၊ ဒဏ်ရာရတဲ့ရဲဘော်တွေကို တက်ဆွဲတဲ့ တကယ့်ရှေ့တန်းနေရတာတွေမှာသွားပြီး တိုက်ပွဲဝင်တဲ့ အမျိုးသမီးတွေ အများကြီးရှိတယ်” ရဲဘော်နီနီကျော် – အထွေထွေအတွင်းရေးမှူး / ပြည်သူ့လွတ်မြောက်ရေးတပ်မတော် (PLA)

“အဆင်မပြေတဲ့လူတန်းစားက အတော်ကိုအခက်တွေ့နေရတယ်။ ကာကွယ်ရေးအဖွဲ့တွေက ဝေခြမ်းနေရတယ်။ ကမ္မကနေ ပေါက်ကိုသွားတဲ့ ကတ္တရာလမ်းတလျှောက် ပခုက္ကူ-ကမ္မ-ပေါက် လမ်းမကြီးတကြောကရွာတွေ ရှောင်နေရတယ်။ ထနောင်း၊ မန်ကျည်းသုံးပင်အပါအဝင် ရှောင်နေရတာ ရွာက ၁၈ ရွာရှိတယ်။ စစ်ရှောင် နှစ်သောင်းဝန်းကျင်ရှိတယ်” စစ်ရှောင်အရေး ကူညီနေသူ ဒေသခံတစ်ဦး

“စစ်ကောင်စီဘက်မှာလည်း ရွေးကောက်ပွဲ မဖြစ်ဖြစ်အောင်လုပ်ဖို့ အနေအထားရှိတယ်။ တော်လှန်ရေးဘက်ခြမ်းကလည်း ရွေးကောက်ပွဲကိုသဘောမတူတဲ့အတွက် ရအောင်ကန့်ကွက်မယ့် အနေအထားရှိတယ်။ နှစ်ဖက်တင်းကြပ်မှုကြားမှာ တိုက်ပွဲတွေ ပြင်းထန်လာလိမ့်မယ်လို့ ကျွန်တော်ယူဆတယ်” နိုင်မရော့မွန်/ SBHN ပြောခွင့်ရသူ

“ကျနော်တို့ဖွဲ့စည်းထားတဲ့ကောင်စီဝင်တွေကလည်း သူ့ရဲ့ဆိုင်ရာကဏ္ဍအလိုက် တာဝန်ယူမှု၊ တာဝန်ခံမှုအပြည့်နဲ့ သူတို့ရဲ့လုပ်ငန်းဆောင်တာတွေကို ကောင်းကောင်းမွန်မွန် လုပ်ဆောင်သွားမယ်၊ သက်ဆိုင်ရာကျေးရွာ အုပ်ချုပ်ရေးမှူးတွေနဲ့လည်း ပုံမှန်ချိတ်ဆက်ဆောင်ရွက်၊ အောက်ခြေကနေလည်း အထက်ကို ပုံမှန်ချိတ်ဆက် လုပ်ဆောင်သွားမယ့် လုပ်ငန်းတွေဆိုရင် ဒါကစနစ်တခုအနေနဲ့ ပိုပြီးကောင်းမွန်တဲ့ အုပ်ချုပ်ရေးယန္တရားတခု ဖြစ်လာလိမ့်မယ်” ခွံဂျွိမ်း(စ်)နေမင်းလွင်/ အကြံပေး – ဖွံဘော်ခွတ်မြို့နယ်အုပ်ချုပ်ရေးကောင်စီ

“စစ်ကောင်စီဘက်က မတရားဖမ်းဆီး သတ်ဖြတ်တာတော့ ပုံမှန်အတိုင်းရှိနေဆဲပေါ့နော်။ တစ်လကို ၁၀ ယောက် ဝန်းကျင်ကတော့ တနင်္သာရီတိုင်း ထဲမှာ အရပ်သား ၁၀ ယောက်ဝန်းကျင်ကတော့ ပုံမှန်အတိုင်း ဖမ်းဆီး သတ်ဖြတ်ခံရတာ ရှိတယ်။ ဟိုအများစုကတော့ အခုအနေအထားအရဆိုရင် လက်နက်ကြီးနဲ့ပစ်လို့ လက်နက်ကြီး ကျရောက်ပေါက်ကွဲလို့ သေတဲ့ဟာတွေရှိတယ်…” ကိုဇော် / အယ်ဒီတာ – FE5 Thanintharyi

“ထိုင်းတစ်နိုင်ငံတည်းမဟုတ်သလို တစ်ကမ္ဘာလုံးကလည်း ဖြစ်စဉ်တွေရှိနေတဲ့အတွက်ကြောင့် မိမိလုပ်ကိုင်နေတဲ့ အလုပ်အကိုင် ထိုက်သင့်တဲ့လုပ်အားခတွေ စနစ်တကျသုံးစွဲပြီး လုံလုံလောက်လောက်ချွေတာပြီး နေထိုင်ကြဖို့ မလိုအပ်ပဲ ခရီးတွေ အဝေးကြီးသွားလာတာမျိုး အလုပ်တွေ ပြောင်းရွှေ့တာမျိုးမလုပ်ဘဲ တည်ငြိမ်အေးချမ်းတဲ့ ဘဝတစ်ခုကို တည်ဆောက်ဖို့လိုအပ်ပါတယ်” ဦးအောင်ကျော်/ အလုပ်သမားအခွင့်အရေးဖောင်ဒေးရှင်း (LRF) ပြောရေးဆိုခွင့်ရှိသူ

“ကျောင်းသူ/ကျောင်းသားတွေရဲ့ ကျောင်းလခ၊ စာရွက်စာတမ်းတွေကအစ အခမဲ့ဖြစ်ရမယ်ဆိုတဲ့ ရည်ရွယ်ချက်နဲ့ လုပ်ဆောင်နေတာပါ။ ကျနော်တို့ရည်ရွယ်ချက်က ဒီရွာက ကလေးတွေရဲ့ပညာရေး ဆက်သွားနိုင်အောင် ဒီရပ်ရွာမှာ ပညာရေး Budget ထူထောင်ပြီး ရပ်ရွာမှာရှိတဲ့ လူငယ် ဆရာ၊ ဆရာမတွေနဲ့ ကျောင်းကောင်စီဖွဲ့ပြီး လုပ်နေတာဖြစ်တယ်” ကိုမင်းဇော်ဦး – လူထုစည်းရုံးရေးတာဝန်ခံ/ DDMSC လူထုစည်းရုံးလှုံ့ဆော်ရေးဆပ်ကော်မတီ

“၁၅၀ နှစ်” မြောက် ကရင်နီအမျိုးသားနေ့ဂုဏ်ပြု ကရင်နီလူငယ်တချို့၏ ကရင်နီအမျိုးသားနေ့အပေါ်ထားရှိသည့် ခံယူချက်နှင့် ရင်တွင်းစကားသံစုစည်းမှု။

← Previous 1 … 9 10 11 12 13 … 86 Next →