အင်တာဗျူး

“ကျနော့်အနေနဲ့ကတော့ တော်လှန်ရေး မြန်မြန်ပြီးဆုံးချင်တယ်။ ပြီးဆုံးချင်တယ်ဆိုတာက  ပြည်သူလူထုထိခိုက်မှု ပိုများလာတယ်။ မဆိုင်တဲ့ပစ်မှတ်တွေ စစ်ရေးပစ်မှတ်တွေ ပိုများလာတယ်။ ဒါတွေမရှိဖို့ဆိုရင် စိတ်ထင်ရာဆိုင်းရိုင်းနေတဲ့ စစ်ဘီလူးတွေကို ကျနော်တို့ပူးပေါင်းဆုံးမမှရမယ်။ ဒါကြောင့် တော်လှန်ရေးထဲ များများဝင်ကြပါ။ တော်လှန်ရေးနဲ့ များများလက်တွဲကြပါလို့ တိုက်တွန်းလိုပါတယ်” ဘက်ပြောင်းခိုလှုံလာသူ ဗိုလ်ကြီးမျိုးဆွေဦး (ခ) စောမိုးဇက်

“ကျနော်တို့ DKBA နယ်မြေမှာတော့ ရွေးကောက်ပွဲလုပ်ရင် ဖြစ်ဖို့တော့လွယ်ပါ့မလား၊ လွယ်တော့မလွယ်ဘူး။ ဒါပေမယ့် ကျနော်ပြောလိုက်တာက တကယ်လို့ ငြိမ်းချမ်းရေးရှိမယ်ဆိုရင်တော့ ဒီရွေးကောက်ပွဲကို ကျနော်တို့က ဝိုင်းဝန်းကူညီပါ့မယ်။ ဒါပေမယ့် စစ်မှန်တဲ့ ငြိမ်းချမ်းရေးမရရင်တော့ ရွေးကောက်ပွဲမှာ ပါဝင်ကူညီဖို့က မလွယ်ပါဘူး” DKBA စစ်ရေးချုပ် ဗိုလ်မှူးကြီး စောစိန်ဝင်း

“ရွေးကောက်ပွဲနဲ့ပက်သက်ပြီး ကျွန်တော်တို့ပါတီ ဆက်ရှိနေမယ်ဆိုရင် ရွေးကောက်ပွဲကို မဖြစ်မနေ ဖြတ်ကျော်ရမှာပဲ။ တကယ်လို့ ပြည်သူလူထုက ပါတီမရှိလည်းရတယ်ဆိုတဲ့ အမြင်မျိုးထွက်လာရင် ကျွန်တော်တို့ပါတီကတော့ တခြားနည်းလမ်းတွေ ရွေးမှာပေါ့” နိုင်သန်းရွှေ (MUP ပြောခွင့်ရ)

“အခုလိုအမျိုးသမီးတွေရဲ့ ဘဝဟာ မလုံခြုံမှုပေါင်းများစွာနဲ့ ကြုံတွေ့နေရတဲ့အတွက် နယ်ပယ်အသီးသီးမှာ ပါဝင်ဖို့၊ ခေါင်းဆောင်ဖို့ ပိုပြီးခက်ခဲစေတယ်။ နိုင်ငံရေးပိုင်းမှာလည်း အမျိုးသမီးတွေရဲ့ ဦးဆောင်မှုအခန်း ကဏ္ဍဟာ မရှိသလောက်နည်းပါးနေတယ်။ အမျိုးသမီးတွေရဲ့ ခေါင်းဆောင်မှုတွေ ပိုမိုအားကောင်းလာဖို့ ULA အနေနဲ့ မူဝါဒတွေချမှတ်ဖို့၊ လက်တွေ့လုပ်ဆောင်ဖို့လိုတယ်” Gender အရေး လှုပ်ရှားဆောင်ရွက်နေတဲ့ အမျိုးသားတစ်ဦး

“ကျွန်မတို့က တကယ့်တကယ်ဒုက္ခသည်တွေဖြစ်တယ်။ နိုင်ငံပျက်လို့ အသက်အန္တရာယ်စိုးရိမ်ရလို့ Life to Liberty ဆိုပြီး ဒီမှာလာခိုလှုံတာဖြစ်တယ်။ ဒါကြောင့် ကျွန်မတို့က ဒုက္ခသည်အစစ်အမှန်တွေဖြစ်တယ်။ အဲ့တွက်ကြောင့် ကျွန်မတို့ဒုက္ခသည်တွေ ရသင့်ရထိုက်တာတောင်းတယ်” Ma Su Htwe Awng / ဥက္ကဋ္ဌ ချင်းဒုက္ခသည်ကော်မတီ၊ နယူးဒေလီ (CRC)

“အခုတခါလည်းပဲ ကျနော်တို့ကတော့ မကြိုက်ဘူးဆိုပြီးမှ ပြန်ပျက်သွားမလားတော့မသိဘူး။ အဲဒါကြောင့် လူကအရေးကြီးတယ်လို့၊ ဘယ်လောက်ပဲ မူဝါဒကောင်းကောင်း ချမှတ်၊ ချမှတ်၊ အဲဒီမှာ ပါဝင်တဲ့လူတွေက မကောင်းရင်တော့ ပြည်သူလူထုအတွက် ကောင်းတဲ့ဟာ ဖြစ်မလာမှာကို စိုးရိမ်မိပါတယ်” Salai Bawi Kung / ဒုတိယဥက္ကဌ- ချင်းပြည်ကောင်စီ

“အဓိက လိုအပ်တာကတော့ ရိက္ခာခြောက်နဲ့ နေရာထိုင်ခင်း အခက်အခဲပေါ့။ အမျိုးသမီးနဲ့ ကလေးအတွက်လည်း ဆေးဝါးတွေ၊ လစဉ်သုံးပစ္စည်းတွေ အရေးတကြီးလိုနေတယ်။ စစ်ရှောင်တဲ့နေရာမှာ လူအရမ်းများလို့ အိမ်ငှားရှာနေကြတဲ့ လူလည်းရှိတယ်၊ အကုန်လုံးကတော့ ခြိုးခြံချွေတာရတာပါပဲ။ သူတို့ရှိတဲ့ အခက်အခဲနဲ့ ကျနော်တို့ရဲ့ အခက်အခဲလည်း မကွဲပြားဘူးလို့ ယုံကြည်တယ်။ ဒါကြောင့်မို့လို့ နေရာအနှံ့ဖြစ်နေတဲ့ တိုက်ပွဲကြီးက ပြည်သူလူထုရဲ့ဒုက္ခကို မကယ်နိုင်ဘူး၊ မထူထောင်နိုင်ဘူး” စစ်ရှောင်ကူညီသူ ဒေသခံအမျိုးသားတစ်ဦး

“အထူးသဖြင့် စကစရဲ့အသက်ရှုပေါက် တပေါက်ဖြစ်တဲ့ ၂၀၂၅ ရွေးကောက်ပွဲကို မကျင်းပနိုင်အောင် မအောင်မြင်အောင် ပျက်ပြားသွားအောင် တိုက်ဖျက်ဖို့အထူးလိုအပ်တယ်။ လာမယ့် ဒီဇင်ဘာလရွေးကောက်ပွဲ မရောက်ခင်နဲ့ ရွေးကောက်ပွဲကာလမှာ မွန်ပြည်သူပြည်သားများအနေနဲ့ မိမိတို့ရဲ့အသက်အန္တရာယ် လုံခြုံရေး အတွက် သတိဝိရိယရှိရှိသွားလာနေထိုင် ရှောင်ကြည်ကြဖို့ အထူးမေတ္တာရပ်ခံချင်ပါတယ်” ဒေါက်တာသီရိမွန်ချမ်း/ မွန်ပြည်ကာကွယ်ရေးတပ်-MSDF

“တရားရုံးတွေဟာ အုပ်ချုပ်ရေးမဏ္ဍိုင် လက်အောက်မှာရှိနေတယ်။ ဒါကြောင့်မို့လို့ တရားစီရင်ရေးမဏ္ဍိုင်ရဲ့ (တရားရုံးတွေရဲ့) ဆုံးဖြတ်ချက်တွေက လွတ်လပ်မှုမရှိဘူး။ အုပ်ချုပ်ရေးမဏ္ဍိုင်ရဲ့ စွက်ဖက်မှုတွေပါတယ်လို့ ထင်မြင်ယူဆချက်တွေ ရှိလာနိုင်ပါတယ်။ အဲဒီလို အချက်တွေကြောင့် တရားစီရင်ရေးရဲ့ပုံရိပ်ကို ထိခိုက်တာမျိုး ရှိနိုင်သလို၊ တရားစီရင်ရေးအပေါ် ပြည်သူ့ယုံကြည်မှုလျော့နည်းနိုင်တဲ့ သက်ရောက်မှုတွေ ရှိလာနိုင်ပါတယ်” Sai Kwan Mong / Legal Aid Association – LAA တည်ထောင်သူ

← Previous 1 … 7 8 9 10 11 … 85 Next →