အင်တာဗျူး

“အခုတခါလည်းပဲ ကျနော်တို့ကတော့ မကြိုက်ဘူးဆိုပြီးမှ ပြန်ပျက်သွားမလားတော့မသိဘူး။ အဲဒါကြောင့် လူကအရေးကြီးတယ်လို့၊ ဘယ်လောက်ပဲ မူဝါဒကောင်းကောင်း ချမှတ်၊ ချမှတ်၊ အဲဒီမှာ ပါဝင်တဲ့လူတွေက မကောင်းရင်တော့ ပြည်သူလူထုအတွက် ကောင်းတဲ့ဟာ ဖြစ်မလာမှာကို စိုးရိမ်မိပါတယ်” Salai Bawi Kung / ဒုတိယဥက္ကဌ- ချင်းပြည်ကောင်စီ

“အဓိက လိုအပ်တာကတော့ ရိက္ခာခြောက်နဲ့ နေရာထိုင်ခင်း အခက်အခဲပေါ့။ အမျိုးသမီးနဲ့ ကလေးအတွက်လည်း ဆေးဝါးတွေ၊ လစဉ်သုံးပစ္စည်းတွေ အရေးတကြီးလိုနေတယ်။ စစ်ရှောင်တဲ့နေရာမှာ လူအရမ်းများလို့ အိမ်ငှားရှာနေကြတဲ့ လူလည်းရှိတယ်၊ အကုန်လုံးကတော့ ခြိုးခြံချွေတာရတာပါပဲ။ သူတို့ရှိတဲ့ အခက်အခဲနဲ့ ကျနော်တို့ရဲ့ အခက်အခဲလည်း မကွဲပြားဘူးလို့ ယုံကြည်တယ်။ ဒါကြောင့်မို့လို့ နေရာအနှံ့ဖြစ်နေတဲ့ တိုက်ပွဲကြီးက ပြည်သူလူထုရဲ့ဒုက္ခကို မကယ်နိုင်ဘူး၊ မထူထောင်နိုင်ဘူး” စစ်ရှောင်ကူညီသူ ဒေသခံအမျိုးသားတစ်ဦး

“အထူးသဖြင့် စကစရဲ့အသက်ရှုပေါက် တပေါက်ဖြစ်တဲ့ ၂၀၂၅ ရွေးကောက်ပွဲကို မကျင်းပနိုင်အောင် မအောင်မြင်အောင် ပျက်ပြားသွားအောင် တိုက်ဖျက်ဖို့အထူးလိုအပ်တယ်။ လာမယ့် ဒီဇင်ဘာလရွေးကောက်ပွဲ မရောက်ခင်နဲ့ ရွေးကောက်ပွဲကာလမှာ မွန်ပြည်သူပြည်သားများအနေနဲ့ မိမိတို့ရဲ့အသက်အန္တရာယ် လုံခြုံရေး အတွက် သတိဝိရိယရှိရှိသွားလာနေထိုင် ရှောင်ကြည်ကြဖို့ အထူးမေတ္တာရပ်ခံချင်ပါတယ်” ဒေါက်တာသီရိမွန်ချမ်း/ မွန်ပြည်ကာကွယ်ရေးတပ်-MSDF

“တရားရုံးတွေဟာ အုပ်ချုပ်ရေးမဏ္ဍိုင် လက်အောက်မှာရှိနေတယ်။ ဒါကြောင့်မို့လို့ တရားစီရင်ရေးမဏ္ဍိုင်ရဲ့ (တရားရုံးတွေရဲ့) ဆုံးဖြတ်ချက်တွေက လွတ်လပ်မှုမရှိဘူး။ အုပ်ချုပ်ရေးမဏ္ဍိုင်ရဲ့ စွက်ဖက်မှုတွေပါတယ်လို့ ထင်မြင်ယူဆချက်တွေ ရှိလာနိုင်ပါတယ်။ အဲဒီလို အချက်တွေကြောင့် တရားစီရင်ရေးရဲ့ပုံရိပ်ကို ထိခိုက်တာမျိုး ရှိနိုင်သလို၊ တရားစီရင်ရေးအပေါ် ပြည်သူ့ယုံကြည်မှုလျော့နည်းနိုင်တဲ့ သက်ရောက်မှုတွေ ရှိလာနိုင်ပါတယ်” Sai Kwan Mong / Legal Aid Association – LAA တည်ထောင်သူ

“သောက်ချင်တဲ့ဆေးတွေ ဝယ်သောက်လို့မရဘူး။ ဈေးလည်း ကြီးတယ်ပေါ့နော်။ ရှိတဲ့ဆေးတွေကလည်း အရမ်းဈေးကြီးတယ်ပေါ့နော်။ ဆိုတော့ အဲဒီလိုအခြေအနေတွေရှိတယ်။ ပြီးတော့ ငှက်ဖျားဆေးဆိုပိုဆိုး၊ ကျွန်တော်တို့ဒေသမှာက ကျွန်တော်တို့ ရွာသုံးလေးငါးရွာ ပတ်ရှာလို့တောင်မှ ငှက်ဖျားဆေးရှိချင်မှရှိမှာ” – Black / ခုနစ်စဉ်ကြယ်အဖွဲ့

“ကျမတို့ ဒီဥပဒေကိုကန့်ကွက်ရတာ အချက်သုံးချက်ရှိတယ်။ တချက်က စည်းရုံးရေး မဆန်လို့၊ နောက်တချက်က လူတွေရဲ့လွတ်လပ်စွာရွေးချယ်ခွင့်ကို ထိပါးနေလို့၊ နောက်တခုကကြ စစ်တပ်ရဲ့ ငါနဲ့မတူ ငါ့ရန်သူဆိုတဲ့ခြေရာကို လိုက်ပြီးနင်းနေလို့၊ အဲ့ဒါကြောင့်မို့ ကျမတို့က ဒီ CRPH ရဲ့ဥပဒေကို ကန့်ကွက်နေတာဖြစ်ပါတယ်” မခင်နီ – သတင်းနှင့်ပြန်ကြားရေးကော်မတီ/ ဗကသများအဖွဲ့ချုပ်

“ဘာပဲဖြစ်ဖြစ် အရပ်သားပြည်သူတွေ သေဆုံးနေတာကလည်း စစ်ကောင်စီစစ်ကြောင်း ဝင်ရောက်လာကတည်းကဖြစ်တဲ့အတွက် စစ်တပ်ရဲ့လုပ်ရပ်တွေပဲဖြစ်တယ်။ တခုခုဆိုရင် သတိပေးပြောဆိုတာတွေ၊ ကိုယ့်အဖွဲ့က တခုခုဖြစ်ရင် ဖမ်းမယ်၊ ရိုက်မယ်ဆိုပြီး လုပ်ကြတဲ့အထိ စည်းလုံးကြတယ်။ အချင်းချင်း ကာကွယ်ကြတယ်ပေါ့” ဖားကန့်ဒေသခံအမျိုးသားတစ်ဦး

“အမျိုးသမီးရဲဘော်တွေက ဒီမှာ ပထမဆုံးအနေနဲ့ စခန်းသိမ်းဝင်တိုက်တယ်ဆိုပေမယ့် တခြား ပြောက်ကျားတိုက်ပွဲတွေမှာလည်း အမျိုးသမီးတွေ ဝင်တိုက်တာတွေလည်းရှိတယ်။ ဒီတိုက်ပွဲကတော့ ပိုကြီးတယ်ပေါ့နော်။ အမျိုးသမီးတွေပါဝင်တဲ့ အရေအတွက်လည်း ပိုများတယ်။ ပထမတိုက်ပွဲတွေမှာလည်း အမျိုးသမီးတွေက ဆေးတပ်တွေ၊ ဒဏ်ရာရတဲ့ရဲဘော်တွေကို တက်ဆွဲတဲ့ တကယ့်ရှေ့တန်းနေရတာတွေမှာသွားပြီး တိုက်ပွဲဝင်တဲ့ အမျိုးသမီးတွေ အများကြီးရှိတယ်” ရဲဘော်နီနီကျော် – အထွေထွေအတွင်းရေးမှူး / ပြည်သူ့လွတ်မြောက်ရေးတပ်မတော် (PLA)

“အဆင်မပြေတဲ့လူတန်းစားက အတော်ကိုအခက်တွေ့နေရတယ်။ ကာကွယ်ရေးအဖွဲ့တွေက ဝေခြမ်းနေရတယ်။ ကမ္မကနေ ပေါက်ကိုသွားတဲ့ ကတ္တရာလမ်းတလျှောက် ပခုက္ကူ-ကမ္မ-ပေါက် လမ်းမကြီးတကြောကရွာတွေ ရှောင်နေရတယ်။ ထနောင်း၊ မန်ကျည်းသုံးပင်အပါအဝင် ရှောင်နေရတာ ရွာက ၁၈ ရွာရှိတယ်။ စစ်ရှောင် နှစ်သောင်းဝန်းကျင်ရှိတယ်” စစ်ရှောင်အရေး ကူညီနေသူ ဒေသခံတစ်ဦး

← Previous 1 … 8 9 10 11 12 … 85 Next →