အင်တာဗျူး

“တချို့ကြတော့ ဘာပြစ်မှုမှမရှိဘူး၊ သာမန်ရွာသားတွေကို မတရား စွပ်စွဲတယ်။ ဘာဖြစ်လို့ စွပ်စွဲလဲဆိုလို့ရှိရင် တောထဲကလက်နက်ကိုင်တွေကို အထောက်အပံ့ပေးတယ်။ ငွေကြေးဆိုင်ရာ ရန်ပုံငွေတွေကို ထောက်ပံ့တယ်။ စားနပ်ရိက္ခာ ထောက်ပံ့တယ်။ သတင်းတွေ လိုက်ပေးတယ်ဆိုတဲ့ မတရားစွပ်စွဲချက်တွေနဲ့ ဖမ်းဆီးတာလည်း ရှိတယ်။” နိုင်အဲမွန်/ မွန်ပြည်လူ့အခွင့်အရေးဖောင်ဒေးရှင်း (HURFOM)

“စစ်ကောင်စီ၏ ၂၀၂၅ ခုနှစ် ရွေးကောက်ပွဲအိမ်မက်အပေါ် ချင်းတော်လှန်ရေး၊ ချင်းအရပ်ဖက်အဖွဲ့နှင့် ချင်းပြည်သူလူထုရဲ့ သဘောထားအမြင်စုစည်းမှု”

MNDAA ထိန်းချုပ်ထားသည့် လက်ရှိ လားရှိုးမြို့အခြေအနေနှင့်ပတ်သက်ပြီး နေရပ်ပြန်ပြည်သူတို့စကားသံများ။

“တိုင်းပြည်မှာ တိုက်ပွဲဖြစ်လာတာက နှစ်ပေါင်း ၇၀ ကျော် ၇၀ လို့ ပြောခဲ့ကြတယ်။ အခု ၈၀ ကို ရောက်လာပြီ။ ပြဿနာကို လူကနိုင်ရမှာ။ အခုက လူကို ပြဿနာက နိုင်နေတာ။ ပြဿနာကို မဖြေရှင်းနိုင်ခဲ့ကြဘူး။ ပြဿနာကို အေးအေးဆေးဆေး ဖြေရှင်းပါမယ်ဆိုမှ NCA စာချူပ်ကို ချူပ်ဆိုခဲ့ကြတယ်။ ပြီးမှ တိုက်ပွဲတွေ ဖြစ်လာတယ်” ဒေါ်စောမြရာဇာလင်း/ ရခိုင်ပြည်လွတ်မြောက်ရေးပါတီ (ALP)

“လာကူတဲ့အဖွဲ့တွေက တိုင်းရင်းသား လက်နက်ကိုင်တွေ လက်ခံထားတဲ့အဖွဲ့အစည်း ဖြစ်ရမယ်။ အဲ့လိုမှ မဟုတ်ရင် တဖက်က ဒုက္ခပေးတယ်၊ တဖက်က စစ်ရှောင်တွေကို လာကူတယ်ဆိုပြီး စစ်ရှောင်တွေရဲ့ ဒေတာ အချက်အလက်တွေယူ၊ နိုင်ငံတကာရှေ့မှာ နိုင်ငံရေး အမြတ်ထုတ်တာတွေရှိမှာ စိုးတယ်” ကရင်အရေးပေါ်ကူညီကယ်ဆယ်ရေးကော်မတီတာဝန်ရှိသူတစ်ဦး

“တိုက်ပွဲဖြစ်ပြီးတဲ့နောက်ပိုင်း စစ်ရှောင်စခန်းတွေမှာ ကျောင်းကိုယ်စီတော့ ရှိကြတယ်။ ဒါပေမယ့် လိုအပ်ချက်တော့ အများကြီးရှိတယ်။ စာအုပ်၊ ဘောပင်တွေကအစပေါ့နော။ မိုးကာတွေရောပေါ့၊ စစ်ရှောင်တွေမှာက အရမ်းလိုအပ်တယ်။ ပြီးတော့ ဖတ်စာအုပ်ပေါ့၊ ကျောင်းတစ်ကျောင်းမှာဆိုရင် ဆရာမကိုင်တဲ့ တစ်အုပ်ပဲရှိတယ်၊ တခြားအလှူရှင်လည်းမရှိဘူး” ခူးကူးရယ်/ ဖေစိုးလေးလူငယ်အဖွဲ့ဥက္ကဌ

“အထူးသဖြင့်ကတော့ ကာကွယ်ရေးတပ်တွေဘက်ကပေါ့လေ၊ သူများလုပ်တိုင်း မလုပ်ဖို့လိုတယ်။ သူများ လုပ်သလို ကိုယ်က လိုက်လုပ်မယ်ဆိုရင် ကိုယ်တိုက်ထုတ်နေတဲ့ စစ်ကောင်စီနဲ့ ဘာမှ ထူးမှာမဟုတ်ဘူး။ အဲဒါမျိုးတွေမဖြစ်ဖို့ အထူးသဖြင့်လိုတယ်။ နောက် အမှားအယွင်းတွေကို တာဝန်ယူမှုတာဝန်ခံမှုရှိရှိ ဖြေရှင်းပေးဖို့ လိုအပ်တယ်” ကိုယောလေး – ပြည်သူ့ကူညီပေးရေးအဖွဲ့ (PMCSG)

“အဓိကကတော့ လုံခြုံရေးပဲ၊ လုံခြုံရေးသည် ပထမ၊ လုံခြုံရေးသည် ဒုတိယ၊ လုံခြုံရေးသည် တတိယ။ ဒီတခေါက် မလုံခြုံဘူးထင်ရင် နောက်တခေါက်မှလုပ်၊ အခုကတော့ ကိုယ့်အိမ်မှာကိုယ်နေတာ အခုလိုမျိုး ဟိုဘက်ရော ဒီဘက်ရော ထိန်းချုပ်ထားတဲ့နယ်မြေမှာနေရင် လုံခြုံရေးသတိရှိပါ။ ကိုယ့်နယ်မြေမှာဆိုပြီး မပေါ့ပါနဲ့” ဦးတိုးဇော်လတ် – အတွင်းရေးမှူး/ IPCM (လွတ်လပ်သောမြန်မာသတင်းမီဒီယာကောင်စီ)

“လွတ်မြောက်နယ်မြေတွေ၊ ထိန်းချုပ်ထားတဲ့နယ်မြေတွေမှာ သူတို့ (ULA) ရဲ့ စည်းမျဉ်းစည်းကမ်းအတိုင်း နေပေးဖို့ ကျနော်က ရမ်းဗြဲမြို့ရဲ့သင်ခန်းစာတွေယူပြီးတော့ ပြောချင်ပါတယ်။ ဒါ့အပြင် မထိန်းချုပ်ရသေးတဲ့ နေရာတွေ ဥပမာ – မြို့ပေါ်ရပ်ကွက်တွေအနေနဲ့လည်း ULA / AA ရဲ့ ညွှန်ကြားချက်အတိုင်း နေပေးဖို့ကိုလည်း ပြောကြားလိုပါတယ်” ဦးထွန်းထွန်းဦး/ (ရမ်းဗြဲမြို့နယ် ပြည်နယ်လွှတ်တော်ကိုယ်စားလှယ်ဟောင်း)

← Previous 1 … 32 33 34 35 36 … 85 Next →