အင်တာဗျူး

“အခြေအနေ အချိန်အခါကောင်းမှာ ဒီစစ်အာဏာရှင်ကို တိုက်ဖျက်ဖို့အတွက် ဒီပါတီတစ်ခုလုံးအနေနဲ့ ပါဝင်လာနိုင်ရင်တော့ ကောင်းတာပေါ့။ ဒါပေမဲ့ တစုံတခုလုံး ပါဝင်ဖို့အတွက်တော့ မဖြစ်နိုင်သေးတဲ့အပေါ်မှာ ယုံကြည်ချက်တူညီတဲ့ ခေါင်းဆောင်တွေ၊ တပ်ဗိုလ်၊ တပ်မှုးတွေနဲ့ စစ်အာဏာရှင်ကို တိုက်ဖျက်ဖို့အတွက် သံဓိဋ္ဌာန်ချထားတာပေါ့ဗျာ” ဒုတိယအဖွဲ့ခေါင်းဆောင် (၁) နိုင်ဗညားလယ်-နိုင်ငံရေးစစ်ရေးဦးဆောင်အဖွဲ့

စစ်ကောင်စီ၏ပြည်သူ့စစ်မှုထမ်းဥပဒေအပေါ် ချင်းအရပ်ဖက်အဖွဲ့အစည်းနှင့် ချင်းပြည်သူများ၏ သဘောထားအမြင် စုစည်းမှု

“ကျမတို့ ဒီဘက်တွေမှာက အမြဲတမ်းစစ်ရှောင်နေရတာ။ စစ်ရှောင်က ပြတ်သွားတယ်ရယ်လို့ကို မရှိဘူး။ အခုအိမ်မှာရှိပေမယ့် ခဏနေ ပြေးရချင်ပြေးရတာ။ ပြီးတော့ ဒီဘက်ကိုဝင်တဲ့ ဘီလူးစစ်ကြောင်းဆိုတာလည်း အရမ်းကို ရက်စက်တဲ့စစ်ကြောင်းဆိုတော့ ဒေသခံတွေကတော့ နေ့နေ့ညည ကြောက်လန့်နေရတာပါပဲ” ရွှေဘိုဒေသခံမမိုးအေး

“အခုကတော့ ရန်ကုန်က ဆက်သွယ်တယ်။ ဧရာဝတီက ဆက်သွယ်တယ်။ ချင်းဘက်နဲ့ နေပြည်တော်ဘက်ကပါ ဆက်သွယ်လာတယ်။ ကျနော်တို့က လက်တော့ခံပါတယ် ဒါပေမဲ့ ကိုယ့်နီးစပ်ရာပဲ ဆက်သွယ်ပြီးတော့ စာရင်းပေးသွင်းစေချင်တယ်” ပြန်ကြားရေးတာဝန်ခံကိုနတ်မောက်/ တောင်ငူခရိုင်ပြည်သူ့ကာကွယ်ရေးတပ်ရင်း (၃၅၀၁)

“တပ်တွင်းစည်းလုံးညီညွတ်ရေးကလည်း ဖရိုဖရဲ ဖြစ်နေကြပြီ ကြားသိရသလောက်ပေါ့။ ရှေ့တန်းမှာတွေရော နောက်တန်းမှာတွေရော အကုန်လုံး ဖရိုဖရဲဖြစ်နေပြီ။ တိုက်လိုခိုက်လိုစိတ်လည်း မရှိကြတော့ဘူး။ ပြီးရင် အကုန်လုံးက စိတ်ဓာတ် ယိုယွင်းပျက်စီးနေပြီးတော့ ထိန်းချုပ်ရ အတော်ခက်ခဲသွားပြီပေါ့” CDM ဗိုလ်ကြီးဖြိုးပြည့်

“စစ်အာဏာရှင်စနစ် ကျဆုံးရေးအတွက် ဗမာပြည်မှာရှိတဲ့သူတွေရော၊ ရခိုင်ပြည်မှာ ရှိတဲ့လူတွေရော အကုန်လုံး ဝိုင်းတိုက်ပြီးတော့ အာဏာရှင်စနစ် ကျဆုံးဖို့ ပူးပေါင်းရမယ့်အချိန် ဖြစ်တယ်လို့ မြင်တယ်ဗျ။ ဒီအချိန်မှ စစ်အာဏာရှင်စနစ် မကျဆုံးဘဲ ပြန်ပြီးခေါင်းထောင်လာမယ်ဆိုရင် ကျွန်တော်တို့တသက်၊ ကျွန်တော်တို့ မျိုးဆက်တွေတသက် စစ်အာဏာရှင်လက်အောက်က လွတ်မြောက်ဖို့အကြောင်း မရှိတော့ဘူး” ဦးဖေသန်း / ရခိုင်ဝါရင့်နိုင်ငံရေးသမား

“AHA (အာဆီယံ လူသားချင်းစာနာမှုကူညီပေးရေးဆိုင်ရာညှိနှိုင်းရေးစင်တာ) ရဲ့ အစီအမံကို ပြန်လည် သုံးသပ်ဖို့တော့ လိုလိမ့်မယ်။ ပြန်လည် သုံးသပ်စေချင်တယ်။ လူထုတွေရဲ့ လက်ထဲကို ရောက်ရှိဖို့ ပြန်စဥ်းစားစေချင်တယ်လို့ ဒီလိုပဲ ပြောချင်ပါတယ်” KNU ပြောခွင့်ရပုဂ္ဂိုလ် ပဒိုစောကလယ်စေး

“ပြောပြရမှာတော့ ရင်နာလှပါတယ်။ အခု စကစ (စစ်ကောင်စီ) က မြို့ထဲ နေရာအပြည့်ယူတာ၊ မြို့တွင်းနေအိမ် တိုက်၊ ဆန်စက်၊ စျေးတွေကို စိတ်ကြိုက်မီးရှိုနေပြီတဲ့ဗျာ့။ မီးရှို့တော့ ပြည်သူအချို့ မြို့ထဲဝင်သွား၊ ဝင်လာသူ မှန်သမျှကို အကုန်ဖမ်းထားပါတယ်။ ဒီလိုလုပ်ချင်လို့ သူတို့က မီးရှို့တာလေ” ကောလင်းမြို့ ဒေသခံတစ်ဦး

“ကျနော်တို့ဟာ စစ်အာဏာရှင်စနစ်ဆိုးဆိုတဲ့ ရောဂါဆိုးကြီးအတွက်ကို အခုကျနော်တို့ ဆေးကြမ်းကြီး သောက်နေတာ။ ဆေးကြမ်းကြီး သောက်နေရတဲ့အချိန်မှာပဲ သောက်ချင်သည်ဖြစ်စေ၊ မသောက်ချင်သည် ဖြစ်စေ သောက်နေရတာပဲ” ပအိုဝ်းအမျိုးသားဖက်ဒရယ်ကောင်စီ/PNFC ဥက္ကဋ္ဌ – ခွန်မြင့်ထွန်း

← Previous 1 … 49 50 51 52 53 … 86 Next →