အင်တာဗျူး

“ဘာကြောင့် ဒီလိုကိုယ့်လူမျိုးအချင်းချင်း သတ်ဖြတ်မှု ဖြစ်သွားတဲ့အထိ ဖြစ်ခဲ့ရသလဲ။ အဓိက ဒါကိုသိချင်တယ်။ သတ်ဖြတ်ခံရတဲ့ မိသားစုဝင်တွေကို တာဝန်ယူဆောင်ရွက်ပေးတာတွေ လုပ်စေချင်တယ်။ ဒါတွေ မလုပ်ပေးသရွေ့က တရားမျှတမှု ရရှိဖို့အတွက် လုပ်သွားမှာပဲ” ဖားကန့်၊ မဂေါင်းတောင်ကျေးရွာခံ ၉ ဦး သတ်ဖြတ်ခံရမှုတွင် လိုက်ပါဆောင်ရွက်သူ

“တိုင်းရင်းသားဒေသတွေက မြေပြန့်နဲ့တန်းတူ ပြန်အခွင့် အရေးရဖို့ ပြန်လုပ်ယူရမယ်။ …….ဒီဘက်က လူတွေက ဖြူစင်တယ်။ ရိုးသားတယ်။ ပြောရမယ်ဆိုရင် သူတို့လိုချင်တာ တပ်မက်တာ အားနည်းတယ်။ တန်းတူအခွင့်ရေး ဆိုတာ တချို့ကသိပ်မသိဘူး။ တော်တော်ကြီး ပြန်ပြီးလုပ်ယူ ကြိုးစားပေးရမယ်” ဒေါ်သင်ဇာအေး/Clean Yangon မြေပြင်တာဝန်ခံ

“အဓိက စစ်ကောင်စီကိုတားစီးဖို့က ကျနော်တို့မြေပြင်မှာပြောနေရုံနဲ့တော့ ပြောင်းလဲမရနိုင်ဘူး။ အဲဒီအတွက် ဒါတွေအမြန်ဆုံး ငြိမ်သက်ဖို့ဆိုတာကတော့ တော်လှန်ရေးမှတပါး လက်ရှိမှာမရှိသေးပါဘူး။ ICRC အဖွဲ့အစည်း ဆိုရင်လည်း စစ်ကောင်စီကို ထောင်တွင်းဝင်ခွင့်ရဖို့ မပြောဆိုနိုင်သေးဘူး” PPNM ၏ ဦးဆောင်ကော်မတီဝင် ကိုသိုက်ထွန်းဦး

“အဲ့ဒီစစ်ကြောင်းက ပြီးခဲ့တဲ့ ဇန်နဝါရီ ၃ ရက်လောက်ကနေစပြီး ခင်ဦးနယ် အနောက်ခြမ်းကျေးရွာတွေကို စစ်ကြောင်းထိုးမီးရှို့ခဲ့ပြီး ၁၂ ရက်နေ့မှာ ကိုယ်ဝန်သည် အမျိုးသမီး ၁ ယောက်နဲ့ ပြည်သူ ၄ ဦးကိုလည်း သေနတ်နဲ့ ပစ်သတ်သွားသေးတယ်” ဒီပဲယင်းကျေးရွာကာကွယ်ရေးတာဝန်ရှိသူတစ်ဦး

“ ICNCC ကလည်း ချင်းတစ်မျိုးသားလုံးအတွက် အကောင်းဆုံး အဖြေရှာနေသလို CC ကလည်း ချင်းတစ်မျိုးသား တစ်ခုလုံးအတွက် အကောင်းဆုံး အဖြေရှာပေးကြပါ။ ဒီလိုအဖြေရှာကြရင်း ချင်းတစ်မျိုးသားတစ်ခုလုံးအတွက် အမှန်တကယ်ဆန္ဒရှိပြီး စေတနာရှိကြတယ်ဆိုရင် ဆုံမှတ်တစ်ခုရှိမှာ အသေအချာဖြစ်ပါတယ်” ICNCC အလှည့်ကျသဘာပတိဒေါက်တာကင်တန်လင်း

“ဒီစစ်ဘေးရှောင်တွေကို ကူညီဖို့ အခက်အခဲအနေနဲ့ စိန်ခေါ်ချက်ဆိုရင်လည်း စစ်ဘေးရှောင်တွေကို ကူညီဖို့ ပစ္စည်းတွေ သယ်ယူရတာက စစ်ကောင်စီရဲ့ စစ်ဆေးရေးဂိတ်တွေကို ဖြတ်ပြီးတော့ သယ်ယူရတဲ့အခြေအနေမျိုး ရှိတော့ လုံခြုံရေးအခက်အခဲတွေ ရှိတယ်ပေါ့နော်။ ပြီးတော့ ဒီဖုန်းလိုင်းတွေ အင်တာနက်လိုင်းတွေလိုမျိုး ဆက်သွယ်ရေး အခက်အခဲတွေလည်း ရှိတယ်ပေါ့” ကိုယောနသံ/ ဒေါနတနင်္သာရီစစ်ဘေးရှောင် အထောက်အကူပြုအဖွဲ့မြေပြင်တာဝန်ခံ

“အခက်အခဲကတော့ နယ်စပ်ကိုဖြတ်ကျော်ပြီး လုပ်ရတာဖြစ်တဲ့အတွက် နိုင်ငံတကာနဲ့ စကားပြောရတဲ့အပိုင်းပေါ့၊ နောက်တခုက ကျနော်တို့လုပ်သားတွေရဲ့ လုံခြုံရေးအခက်အခဲပါ။ နယ်စပ်ကို ဖြတ်ကျော်ပြီဆိုကတည်းက ပုံစံအမျိုးမျိုးတွေတော့ အခက်အခဲရှိတယ်” CIDKP ဒု-တာဝန်ခံ စောခဲလေ

“စစ်တပ်ထိုင်ပြီဆိုကတည်းက အန္တရာယ်များသွားပြီဆိုတာ ဒေသခံတွေက အားလုံးစိတ်ပူနေကြပြီ။ အဓိကတော့ သွားလာရေးတွေမှာ လွတ်လွတ်လပ်လပ်သွားလာလို့ မရတာတွေ၊ တားမြစ်ခံရတာတွေ ဖြစ်လာမယ်။ ပြီးရင် စစ်တပ်ဆိုကတည်းက ဘယ်လောက်ပဲ ကောင်းပြရင်လည်း ကြောက်ရမှာပဲ” လုံရှာယန်ဒေသခံတစ်ဦး

“အဲ့ဒီမှာရှိတဲ့ ရခိုင်ပြည်နယ်ကလာပြီးတော့ အလုပ်လုပ်နေတဲ့ ကလေးတွေဟာလေ ခါးစည်းပြီး သူတို့အလုပ်လုပ်တယ်။ ရလာတဲ့ ပိုက်ဆံကို စားဝယုံ ခါးလှယုံလောက်ပဲ။ ကျန်တာအကုန်ပုံပြီး AA ကို လှူနေတာဗျ။ AA ကို ဒါကြောင့်မို့ ကျွန်မ ကောင်းကောင်းနားလည်တယ်။ AA ခေါင်းဆောင်တွေဘက်ကလည်း သူတို့အပေါ် ရခိုင်လူထုကထားတဲ့ စေတနာကိုနားလည်တယ်” နိုင်ငံရေးလေ့လာသုံးသပ်သူ ဒေါက်တာ လှကျော်ဇော”

← Previous 1 … 51 52 53 54 55 … 86 Next →