အင်တာဗျူး

“သူတို့ရဲ့ အဓိကရည်ရွယ်ချက်ကတော့ မြို့ပြမှာ အရွယ်ကောင်းတဲ့သူတွေပေါ့၊ အခုနကတုန်းကလို တချို့တွေမှာ Refugee တွေရှိမယ်၊ CDM တွေရှိတယ်။ ဒီလူတွေကို သူတို့က ခွဲခြားစိစစ်နိုင်မယ့် စွမ်းအားမရှိတော့ သူတို့ကို ပြန်ပြီး တော်လှန်မယ့်သူတွေကို တော်လှန်နိုင်စွမ်း ရှိတဲ့သူတွေကိုလည်း မြန်မာပြည်ထဲမှာ သူတို့က ဆက်မရှိစေချင်တဲ့ သဘောလည်းရှိတယ်” ဦးမျိုးမြင့်အောင်/ Mother Embrace Foundation အဖွဲ့

“ရာခိုင်နှုန်းလို့ပြောရရင် ကျနော်တို့ (၈၀) ရာခိုင်နှုန်း၊ (၈၅) ရာခိုင်နှုန်းလို့ပြောလို့ရပါတယ်။ အောင်မြင်တယ်ပေါ့နော။ ကျနော်တို့ ပြည်နယ်အနေနဲ့ ကျဉ်းကျဉ်းလေးဆိုတော့ အမြဲရန်သူကို တိုက်ခိုက်နိုင်တယ် အောင်မြင်တယ် ရန်သူလည်း ကျဆုံးတာများတယ်။ ကျနော်တို့ဖက်က ကျဆုံးတာလည်းရှိတယ်ပေါ့” KA စစ်ရေးချုပ်ဗိုလ်မှူးကြီးဘုန်းနိုင်

“ဖြစ်ချင်တာက လက်ရှိ စစ်အာဏာရှင်စနစ်ကို အမြန်ဆုံးအမြစ်ပြတ်အောင် ရှင်းထုတ်လိုက်ပြီးတော့ အမြန်ဆုံးငြိမ်းချမ်းပြီး စစ်မှန်တဲ့ ဖက်ဒရယ်ဒီမိုကရေစီဆီ ရောက်ချင်နေပါပြီ” ပန်ဆိုင်းဒေသခံအမျိုးသမီး

“ထိုင်းနိုင်ငံမှာ အလုပ်လုပ်ခွင့်၊ နေထိုင်ခွင့်ရတဲ့ လက်မှတ်တွေအတွက် လုပ်ပေးတဲ့အချိန်ကာလ ပြီးမြောက်သွားပြီ ဖြစ်တဲ့အတွက် ဘာမှလုပ်လို့မရတဲ့အတွက် အလိမ်ခံရပြီး ငွေလည်းကုန်၊ လူလည်းအန္တရာယ်ဖြစ်မှာ စိုးရိမ်တာ ကြောင့် အရာရာကို လေ့လာစုံစမ်းပါ။ တိကျမှန်ကန်ပြီးမှ ဘယ်လိုအနေအထားမျိုးလဲ စဉ်းစားလုပ်ကိုင်ကြပါလို့ ပြောလိုပါတယ်။ မလာပါနဲ့ လာပါဆိုတဲ့ စကားလုံးကိုတော့ အကြံပြုဖို့ ခက်ခဲပါတယ်” ဦးအောင်ကျော်- ထိုင်းနိုင်ငံအခြေစိုက်အလုပ်သမားအခွင့်အရေးဖောင်ဒေးရှင်းအဖွဲ့တာဝန်ရှိသူ

“ကိုယ့်ပြည်နယ်၊ ကိုယ့်လူမျိုး လွတ်မြောက်ဖို့ အတွက်ကတော့ ကိုယ်တိုင်တိုက်ပွဲဝင်မှပဲ ရပါ့မယ်။ ဒီလို ကိုယ်တိုင်တော်လှန် တိုက်ပွဲဝင်တဲ့အခါမှာ ကျနော်တို့ နည်းမျိုးစုံသုံးပြီးတော့ တိုက်ပွဲဝင်ရမှာ ဖြစ်ပါတယ်။ လက်နက်ကိုင် တိုက်ပွဲဝင်တာလည်း ပါဝင်သလို တဖက်မှာလည်း နိုင်ငံရေးနည်းအရ စုပေါင်းပြီးတော့ တိုက်ပွဲဝင်ကြဖို့လည်း လိုအပ်ပါတယ်” ရာမညဖက်ဒရယ်အင်အားစုသစ် (NRFF) တာဝန်ခံ နိုင်ပညာမာန်

“အခြေအနေ အချိန်အခါကောင်းမှာ ဒီစစ်အာဏာရှင်ကို တိုက်ဖျက်ဖို့အတွက် ဒီပါတီတစ်ခုလုံးအနေနဲ့ ပါဝင်လာနိုင်ရင်တော့ ကောင်းတာပေါ့။ ဒါပေမဲ့ တစုံတခုလုံး ပါဝင်ဖို့အတွက်တော့ မဖြစ်နိုင်သေးတဲ့အပေါ်မှာ ယုံကြည်ချက်တူညီတဲ့ ခေါင်းဆောင်တွေ၊ တပ်ဗိုလ်၊ တပ်မှုးတွေနဲ့ စစ်အာဏာရှင်ကို တိုက်ဖျက်ဖို့အတွက် သံဓိဋ္ဌာန်ချထားတာပေါ့ဗျာ” ဒုတိယအဖွဲ့ခေါင်းဆောင် (၁) နိုင်ဗညားလယ်-နိုင်ငံရေးစစ်ရေးဦးဆောင်အဖွဲ့

စစ်ကောင်စီ၏ပြည်သူ့စစ်မှုထမ်းဥပဒေအပေါ် ချင်းအရပ်ဖက်အဖွဲ့အစည်းနှင့် ချင်းပြည်သူများ၏ သဘောထားအမြင် စုစည်းမှု

“ကျမတို့ ဒီဘက်တွေမှာက အမြဲတမ်းစစ်ရှောင်နေရတာ။ စစ်ရှောင်က ပြတ်သွားတယ်ရယ်လို့ကို မရှိဘူး။ အခုအိမ်မှာရှိပေမယ့် ခဏနေ ပြေးရချင်ပြေးရတာ။ ပြီးတော့ ဒီဘက်ကိုဝင်တဲ့ ဘီလူးစစ်ကြောင်းဆိုတာလည်း အရမ်းကို ရက်စက်တဲ့စစ်ကြောင်းဆိုတော့ ဒေသခံတွေကတော့ နေ့နေ့ညည ကြောက်လန့်နေရတာပါပဲ” ရွှေဘိုဒေသခံမမိုးအေး

“အခုကတော့ ရန်ကုန်က ဆက်သွယ်တယ်။ ဧရာဝတီက ဆက်သွယ်တယ်။ ချင်းဘက်နဲ့ နေပြည်တော်ဘက်ကပါ ဆက်သွယ်လာတယ်။ ကျနော်တို့က လက်တော့ခံပါတယ် ဒါပေမဲ့ ကိုယ့်နီးစပ်ရာပဲ ဆက်သွယ်ပြီးတော့ စာရင်းပေးသွင်းစေချင်တယ်” ပြန်ကြားရေးတာဝန်ခံကိုနတ်မောက်/ တောင်ငူခရိုင်ပြည်သူ့ကာကွယ်ရေးတပ်ရင်း (၃၅၀၁)

← Previous 1 … 48 49 50 51 52 … 86 Next →