အင်တာဗျူး

“လက်နက်ကတော့ သိတဲ့အတိုင်း အတော်လေး ဈေးကြီးပါတယ်။ ကျွန်တော်တို့ ရဲ‌ဘော်သစ်တွေ တိုးလာတာနဲ့အမျှ လက်နက်ဝယ်ယူရေး၊ လက်နက်ရရှိရေးက အင်မတန်စိန်ခေါ်မှုတရပ် ဖြစ်တယ်လို့ ပြောချင်ပါတယ်” နိုင်နဂါး- မွန်ပြည်တော်လှန်ရေးတပ် (MSRF) ပြောခွင့်ရသူ

“လုံးဝစိုးရိမ်ရတဲ့ အနေအထားလို့မြင်ပါတယ်။ မဖြစ်ရင်တော့ ကောင်းတာပေါ့အကိုရယ်။ ဖြစ်ပြီဆိုတာနဲ့ မလွယ်ဘူးလို့မြင်တယ်။ ဘာလို့လည်းဆိုတော့ စစ်တွေမှာက ပြည်သူတွေက တနေ့တခြား နည်းနည်းလာပြီလေ။ ပြောင်းရွှေ့သွားတာတွေ များနေတယ်။ တစ်ရာရာခိုင်နှုန်းဆိုရင် ခြောက်ဆယ်ရာခိုင်နှုန်းက ပြောင်းရွှေ့သွားကြတယ်” စစ်တွေမြို့ခံတစ်ဦး

“ချင်းပြည်၊ ချင်းလဲန်းကောင်စီဖွဲ့စည်းခြင်းဟာ ချင်းတစ်မျိုးသားလုံးရဲ့ အကျိုးစီးပွားကို အကောင်အထည်ဖော်ဖို့ ဖြစ်တယ်။ တော်လှန်ရေးကိုလည်း ပိုပြီးမှအားကောင်းစေဖို့ဖြစ်တယ်။ ဘာပဲဖြစ်ဖြစ် ကျနော်တို့ဆီမှာ မပါဝင်လာနိုင်သေးတဲ့ အစုအဖွဲ့တွေရှိပါတယ်။ သူတို့ကိုလည်း ပါဝင်နိုင်ဖို့အတွက် တံခါးဖွင့်ပေးထားပါတယ်” ဦးပါထန်း- ချင်းပြည်၀န်ကြီးချုပ်

“စစ်အုပ်စုက တရားမဝင်တဲ့စစ်အုပ်စု ဖြစ်ပါတယ်။ နိုင်ငံ့အာဏာကို အကြမ်းဖက်ပြီးရယူထားတဲ့အုပ်စု ဖြစ်တယ်။ တရားဝင်အစိုးရတွေသာ လုပ်ပိုင်ခွင့်ရှိတဲ့ ဥပဒေတွေ၊ အမိန့်အာဏာတွေကို ထုတ်ပြန်ခွင့် မရှိပါဘူး။ ဒါကြောင့် မို့လို့ သူတို့ထုတ်ပြန်တဲ့ ဥပဒေတွေ၊ အမိန့်အာဏာတွေကို ကျမတို့က တရားမဝင်ဘူးလို့ ယူဆသတ်မှတ်ပါတယ်” ဒေါ်နှင်းနှင်းမွှေး- အဖွဲ့ဝင်/စစ်အာဏာရှင်စနစ်တိုက်ဖျက်ရေး အထွေထွေသပိတ်ကော်မတီ (GSC)

“အကယ်၍ စစ်တပ်ပျက်သွားတာ၊ နိုင်ငံကလည်း Fail State ကျရှုံးနိုင်ငံဖြစ်သွားတာဆိုရင် အဲ့လိုမဖြစ်ခင်မှာ အိမ်နီးချင်းနိုင်ငံတွေက ဘာလုပ်မယ်ထင်လဲ။ အဲ့အချိန်ကျရင် သူတို့က စစ်တပ်ကိုလာပြီးတော့ ကူညီမှာ၊ ဘာလို့လဲဆိုတော့ သူတို့ရဲ့အမြင်မှာ စစ်တပ်ပြိုလဲပြီးတော့ ကျရှုံးနိုင်ငံဖြစ်သွားရင် မြန်မာနိုင်ငံက ပြဿနာတွေ ဒုက္ခတွေအကုန်လုံးက သူတို့ဆီကိုရောက်မှာ။ ဒီဟာတွေကို သူတို့ မလိုချင်ဘူး၊ မမြင်ချင်ကြဘူး” စဝ်ဟန်ယောင်ဟွေ – မြန်မာ့ငြိမ်းချမ်းရေးလုပ်ငန်းစဉ် ဦးဆောင်ပါဝင်ခဲ့သူ

ရက္ခိုင့်တပ်တော် AA ၏ ချင်းပြည်၊ ပလက်၀ဒေသအပေါ်ထားရှိသော မူဝါဒနှင့်ပတ်သတ်ပြီး ချင်းအရပ်ဖက်အဖွဲ့အစည်းများ၏ သဘောထားအမြင်စုစည်းမှု။

“လွှတ်တော်ထဲမှာ ဒီလိုမျိုးအစည်းအဝေး သေချာလုပ်တယ်ဆိုတာက ထိုင်းလွှတ်တော်သည် သူတို့ရဲ အမျိုးသားကာကွယ်ရေး၊ လုံခြုံရေးအရ ကိုင်တွယ်ဖြေရှင်းရတဲ့အခါ ထိုင်းနိုင်ငံ အတွင်းမှာ မြန်မာနိုင်ငံက စစ်အုပ်စုရဲ့ အကြမ်းဖက်မှုပြဿနာဟာ သူ့ရဲ့ထိုင်းနိုင်ငံအတွင်းက လုံခြုံရေးကိုပါ နှောင့်ယှက်မှု၊ ထိပါးမှု အကျိုးသက်ရောက်မှု ဖြစ်နေပြီဆိုတာမြင်လို့ ဒါမျိုးဆွေးနွေးတာတွေ လုပ်ရတာဖြစ်တယ်” ဒေါ်ခင်ဥမ္မာ/ ရှေ့ပြေးအသံအဖွဲ့တည်ထောင်သူ

“သူတို့ရဲ့ အဓိကရည်ရွယ်ချက်ကတော့ မြို့ပြမှာ အရွယ်ကောင်းတဲ့သူတွေပေါ့၊ အခုနကတုန်းကလို တချို့တွေမှာ Refugee တွေရှိမယ်၊ CDM တွေရှိတယ်။ ဒီလူတွေကို သူတို့က ခွဲခြားစိစစ်နိုင်မယ့် စွမ်းအားမရှိတော့ သူတို့ကို ပြန်ပြီး တော်လှန်မယ့်သူတွေကို တော်လှန်နိုင်စွမ်း ရှိတဲ့သူတွေကိုလည်း မြန်မာပြည်ထဲမှာ သူတို့က ဆက်မရှိစေချင်တဲ့ သဘောလည်းရှိတယ်” ဦးမျိုးမြင့်အောင်/ Mother Embrace Foundation အဖွဲ့

“ရာခိုင်နှုန်းလို့ပြောရရင် ကျနော်တို့ (၈၀) ရာခိုင်နှုန်း၊ (၈၅) ရာခိုင်နှုန်းလို့ပြောလို့ရပါတယ်။ အောင်မြင်တယ်ပေါ့နော။ ကျနော်တို့ ပြည်နယ်အနေနဲ့ ကျဉ်းကျဉ်းလေးဆိုတော့ အမြဲရန်သူကို တိုက်ခိုက်နိုင်တယ် အောင်မြင်တယ် ရန်သူလည်း ကျဆုံးတာများတယ်။ ကျနော်တို့ဖက်က ကျဆုံးတာလည်းရှိတယ်ပေါ့” KA စစ်ရေးချုပ်ဗိုလ်မှူးကြီးဘုန်းနိုင်

← Previous 1 … 46 47 48 49 50 … 85 Next →