အင်တာဗျူး

“စစ်တွေက ထွက်မပြေးဘဲ ကျန်ခဲ့တဲ့သူတွေ ကတော့ များသောအားဖြင့် ပိုက်ဆံ မတတ်နိုင်လို့ပါ။ နေရစ်ခဲ့ရင်း လမ်းပိတ်သွားကြတာ များပါတယ်။ ပိုက်ဆံရှိတဲ့သူတွေက အနည်းအကျဥ်းလောက်ပဲ ကျန်တာပါ။ အခုခေတ် အနေအထားအရ တနေရာနဲ့တနေရာသွားဖို့က လွယ်တာမှမဟုတ်တာ” စစ်တွေမြို့ခံအမျိုးသမီးတစ်ဦး

“အခုလို တော်လှန်ရေးကာလမှာ ပြည်သူလူထုအနေနဲ့ လုံခြုံရေး၊ ငွေကြေးဖောင်းပွမှု၊ ဆင်းရဲတွင်းနက်လာမှု တွေကြောင့် သော်လည်းကောင်း၊ ကျန်းမာရေးစောင့်ရှောက်မှုကို လက်လှမ်းမမီနိုင်တော့ပါဘူး။ ဒါကြောင့် မိခင်သေဆုံးမှု၊ ကလေးသေဆုံးမှုတွေ၊ အာဟာချို့တဲ့မှုဟာလဲ ကျမတို့ရဲ့ ကြီးမားတဲ့စိန်ခေါ်မှု ဖြစ်လာနေပါတယ်” ဒေါက်တာရှာရွန်ပါရ် – ချင်းပြည်အစိုးရ၊ ကျန်းမာရေးနှင့်အားကစားဝန်ကြီး

“ငွေကြေးနဲ့ နည်းပညာပိုင်းဆိုင်ရာ အခုချိန်မှာ ငွေကြေးကလည်း အဲလောက်ထိပံ့ပိုးတာမျိုး မရှိသေးဘူးပေါ့နော်။ လွယ်လည်း မလွယ်သေးဘူးပေါ့နော်။ အချိန်မရွေး ကိုယ်ကရှင်းလိုက် ရန်သူစစ်ကောင်စီက အချိန်မရွေး ပြန်လာမြုပ်လိုက်နဲ့ ဖြစ်နေတဲ့ကာလဖြစ်တော့ မလိုအပ်တဲ့နေရာကို မရှင်းဘဲနဲ့ တကယ့်ကို မဖြစ်မနေ လူထုတွေ သွားလာလှုပ်ရှားတဲ့ နေရာလောက်ကိုပဲ ပြန်လာနေဖို့အတွက် စိတ်ချတဲ့နေရာလောက်ကိုပဲ ကျနော်တို့ရှင်းပေးနေခြင်းဖြစ်ပါတယ်” ဦးဗညား – IEC အတွင်းရေးမှူး (၂)

သတင်းလွတ်လပ်ခွင့်နှင့် မြန်မာသတင်းသမားများ၏ စိန်ခေါ်မှု

“ပြည်သူတွေအနေနဲ့လည်း ရေးပတ်ဝန်းကျင်လောက်မှာပဲ ကျော်သွားလို့ရှိရင် စစ်ကောင်စီရဲ့ဂိတ်တွေ မရှိတဲ့အတွက် သူတောင်းစားလို လမ်းမှာ တနေရာဝင်၊ တနေရာထွက် ပေးနေရတဲ့ အခြေအနေတွေ မရှိတာကြောင့် ပြည်သူတွေ စိတ်ချမ်းသာနေရတဲ့ အခြေအနေလေးတွေ ရှိပါတယ်။ ပြည်သူတွေကိုယ်တိုင် ပြောတာလည်း ကြားသိရပါတယ်” နိုင်နဂါး – မွန်ပြည်တော်လှန်ရေးတပ်/MSRF

“မီဒီယာလွတ်လပ်ခွင့်ကို အပြည့်အဝ ကျနော်တို့လက်ခံထားပါတယ်။ သတင်းကို ထိန်းချုပ်လိုစိတ်တွေ ဘာတွေ ကျနော်တို့ဆီမှာ မရှိပါဘူး။ နိုင်ငံတကာသတင်းသမားတွေရဲ့ ကျင့်ဝတ်စည်းကမ်းတွေကိုလည်း ကျနော်တို့ လိုက်နာသလို လက်ခံသလို ကျနော်တို့ရဲ့အဖွဲ့အစည်းအတွင်းမှာ ကျင့်သုံးရမယ့် စည်းမျဥ်းစည်းကမ်း တွေကိုလည်း ကျနော်တို့ချမှတ်ထားတာရှိပါတယ်” ပဒိုစောကလယ်စေး – KNU ပြောခွင့်ရ

“ဒီနိုင်ငံတကာ လူသားချင်းစာနာ ထောက်ထားမှု ဥပဒေကို ချိုးဖောက်ရာရောက်တာပေါ့။ ဘာလို့လဲဆို ဒါက လက်နက်ကိုင်တပ်ဖွဲ့ဝင်တိုင်း လိုက်နာကျင့်သုံးရမယ့် စည်းမျည်းစည်းကမ်းတွေ ဖြစ်လို့ပေါ့။ တိုက်ခိုက်လို့ ရတဲ့ဟာနဲ့ တိုက်ခိုက်လို့မရတဲ့ဟာ မခွဲခြားဘဲ ရောနှောပြီးတော့ တမင်ရည်ရွယ်ချက်ရှိရှိ တိုက်ခိုက်တာ ဒါက စစ်ရာဇဝတ်မှုမြောက်တယ်ပေါ့။Ó စောနန္ဒဆူး – ကရင်လူ့အခွင့်ရေးအဖွဲ့/KHRG စည်ရုံးလှုံ့ဆော်ရေးတာဝန်ခံ

“အဓိကလမ်းပန်ဆက်သွယ်ရေး မကောင်းဘူးပေါ့နော်။ အဖွဲ့ပေါင်းစုံကနေပြီး နည်းပေါင်းစုံနဲ့ စစ်ဆေးတာပေါ့။ စစ်ဆေးတဲ့ လူအားလုံးရဲ့ပြောစကားကတော့ ပြည်သူ့လူထုရဲ့ လုံခြုံရေးအတွက်ပါပဲ။ ပြည်သူတွေက ကြားကနေ ဟိုလူလည် ကြောက်ရ၊ ဒီလူလည်းကြောက်ရ။ အဘက်ဘက်ကနေပြီးတော့ ကြောက်နေရတယ်” ရေးမြို့ အုပ်ချုပ်ရေးဝန်ထမ်းတစ်ဦး

“ယခုမျက်မှောက် မြေပြင်ပကတိအခြေအနေအရ အခြား အခြားသောတိုင်းရင်းသား ဒေသလိုမျိုး မြို့သိမ်း၊ စခန်းသိမ်းတိုက်ပွဲတွေ ဆင်နွှဲဖို့ အခြေအနေမပေးသေးဘူးလို့ပဲ ရိုးရိုးသားသား ဝန်ခံရမှာပါ။ သို့သော်ငြား ဒီလိုအခြေအနေမျိုး ရောက်လာအောင် မွန်ပြည်နယ်မှာ လှုပ်ရှားနေတဲ့ မွန်လက်နက်ကိုင်များအားလုံး ဗျူဟာမြောက် ပူးပေါင်းဆောင်ရွက်မှုတွေ ပြုလုပ်နေပါတယ်” MSDF တပ်မှူးဒေါက်တာသီရိမွန်ချမ်း

← Previous 1 … 44 45 46 47 48 … 86 Next →