အင်တာဗျူး

“အဓိက ကတော့ လေယာဉ်နဲ့ဗုံးကြဲတာ ခံရတယ်။ အများအားဖြင့် သေဆုံးသွားတဲ့ အရပ်သားတွေက လေယာဉ်နဲ့ ဗုံးကြဲခံရတာဖြစ်တယ်။ စစ်ကြောင်းအသုံးပြု လာတဲ့လမ်းမှာ ရက်ရက်စက်စက် ပစ်သတ်ခံရသူ ၅ ဦး ကျနော်တို့ရွာမှာ ရှိပါတယ်” ခူးကိုရယ် – ညှိနှိုင်းရေးမှူး/ကရင်နီလူမှုအသင်းအဖွဲ့များကွန်ရက် (KCSN)

“တွန်းဇံမြို့ထဲမှာ စစ်ကောင်စီတပ်ဖွဲ့ဝင်တွေ မရှိတော့ပေမယ့် မြို့ပြင်ဘက်မှာတော့ ရှိနေသေးတော့ လုံခြုံစိတ်ချရတဲ့အနေအထား သိပ်ပြီးတော့ မရောက်သေးဘူးလို့ ပြောချင်တယ်။ တိုက်လေယာဉ်ကတော့ ခပ်စိပ်စိပ်လာနေတဲ့ အနေအထားဖြစ်တယ်” ဆလိုင်းထက်နီ – CNF/CNA ပြောရေးဆိုခွင့်ရှိသူ

“အရွယ်တွေကတော့ အများစုက အသက် ၁၅ နှစ် ကနေ ၆၀ လောက် အထိ ရှိမယ်။ သေသွားတဲ့ သူတွေထဲမှာ သားအဖကြီးပဲ ၃ တွဲတောင်ပါတယ်။ သားနဲ့အဖေ သားနဲ့အဖေ အဲ့ဒီလိုနှစ်ယောက်စီ ၃ တွဲပေါ့။ နောက်ပြီး အသက် ၈၀ ကျော် အဘိုးအို ၂ ယောက်လည်းပါတယ်။ ဒဏ်ရာရတဲ့သူတွေထဲမှာလည်း ဒဏ်ရာပြင်းတဲ့ သူတွေပါတယ်” – လုံခြုံရေးအရအမည်မဖော်လိုသူ မြင်းမူဒေသခံတစ်ဦး

“အာဏာသိမ်းတဲ့နောက်ပိုင်းမှာ ရာအိမ်မှုး၊ အုပ်ချုပ်ရေးမှုးတွေကို ပြန်ပြီးကိုးကွယ်နေရတဲ့ ပုံစံမျိုးတွေနဲ့ ဒီအာဏာရှင်လက်အောက် မနေချင်လို့ ကျနော်တို့တွေ လက်နက်ကိုင် တော်လှန်ရေးလမ်းစဉ်ကို ရွေးချယ်ရခြင်း ဖြစ်တဲ့အတွက်ကြောင့်မို့လို့ ကျနော်တို့လိုချင်တဲ့ အနာဂတ်ပန်းတိုင် ဒီမိုကရေစီပဲဗျ” ရေးဘီးလူးအဖွဲ့ခေါင်းဆောင်

“AA အနေနဲ့ စစ်ရေးရည်မှန်းချက်တစ်ခုထိ ရအောင်တိုက်နေပုံရတယ်။ အထူးသဖြင့် ရခိုင်ပြည်မြောက်ပိုင်း တခွင်လုံးနဲ့ အလယ်ပိုင်းတခွင်ကို လုံးဝ လွတ်မြောက်ဒေသဖြစ်သွားအောင် လုပ်နေတာတွေမျိုး။ ဒီလိုမျိုးဖြစ်မှသာ နယ်စပ်ဒေသတွေကို ထိန်းချုပ်နိုင်မယ်။ သီးခြားလွတ်လပ်တဲ့ဒေသတစ်ခု ထူထောင်နိုင်ဖို့သဘောမျိုးနဲ့ စစ်ရေးကို အရှိန်မြှင့်ပြီးတော့ တိုက်နေတာဖြစ်တယ်။ ဒါကြောင့် ဒီနေ့အခါမှာ တရုတ်ဖိအားက ဘယ်လိုမှ ပြေလည်နိုင်မှာမဟုတ်ဘူး” ဦးဖေသန်း – နိုင်ငံရေး၊စစ်ရေးလေ့လာသုံးသပ်သူ

“နေအိမ်တစ်ခုမကျန် မီးလောင်ပျက်စီးသွားတာက ၂၄ အိမ်လောက် ရှိပါတယ်။ KBC ဘုရားကျောင်း ကတော့ တစ်စစီ ဖြစ်သွားတယ်။ RC ကတ်သလစ်ဘုရားကျောင်းက နည်းနည်းထိသွားတယ်။ လက်နက်ကြီးထိလို့ ပျက်စီးသွားတဲ့ အိမ်တွေက ၃၀ လောက် ရှိတယ်။ မီးလောင်သွားတာနဲ့ ပျက်စီးသွားတာနဲ့ပေါင်းရင် ၅၀ လောက် ရှိမယ်” နန့်ယားဒေသခံတစ်ဦး

KIA စစ်ဦးစီးချုပ် ဒု-ဗိုလ်ချုပ်ကြီးခေါင်လွမ်း (သို့) ကိုယ်ကျိုးထက် တိုင်းပြည်အကျိုးကို ရွေးချယ်သွားခဲ့သူ

“စစ်တွေက ထွက်မပြေးဘဲ ကျန်ခဲ့တဲ့သူတွေ ကတော့ များသောအားဖြင့် ပိုက်ဆံ မတတ်နိုင်လို့ပါ။ နေရစ်ခဲ့ရင်း လမ်းပိတ်သွားကြတာ များပါတယ်။ ပိုက်ဆံရှိတဲ့သူတွေက အနည်းအကျဥ်းလောက်ပဲ ကျန်တာပါ။ အခုခေတ် အနေအထားအရ တနေရာနဲ့တနေရာသွားဖို့က လွယ်တာမှမဟုတ်တာ” စစ်တွေမြို့ခံအမျိုးသမီးတစ်ဦး

“အခုလို တော်လှန်ရေးကာလမှာ ပြည်သူလူထုအနေနဲ့ လုံခြုံရေး၊ ငွေကြေးဖောင်းပွမှု၊ ဆင်းရဲတွင်းနက်လာမှု တွေကြောင့် သော်လည်းကောင်း၊ ကျန်းမာရေးစောင့်ရှောက်မှုကို လက်လှမ်းမမီနိုင်တော့ပါဘူး။ ဒါကြောင့် မိခင်သေဆုံးမှု၊ ကလေးသေဆုံးမှုတွေ၊ အာဟာချို့တဲ့မှုဟာလဲ ကျမတို့ရဲ့ ကြီးမားတဲ့စိန်ခေါ်မှု ဖြစ်လာနေပါတယ်” ဒေါက်တာရှာရွန်ပါရ် – ချင်းပြည်အစိုးရ၊ ကျန်းမာရေးနှင့်အားကစားဝန်ကြီး

← Previous 1 … 42 43 44 45 46 … 85 Next →