အင်တာဗျူး

“သူတို့က မီးရှို့လိုက်၊ သတ်လိုက်၊ လူဖမ်းလိုက်လုပ်ပြီး တက်လှိုင်းရွာထဲကို ပြန်၊ပြန်ဝင်သွားကြတာ။ ဘယ်သူမှ အနားမကပ်ရဲဘူး။ ရွာမီးရှို့တာကိုလည်း အဝေးကပဲ ကြည့်နေရတယ်။ သတ်ခံရတဲ့သူတွေထဲမှာ တချို့အမျိုးသမီးလေးတွေကို မုဒိမ်းကျင့်ထားတာမျိုးတွေလည်း တွေ့ရတယ်ဆိုပေမယ့် စစ်ကြောင်းဝေ့နေတော့ ရွာကိုဝင် မရှင်းရဲကြသေးဘူးဖြစ်နေတာ” ဘုတလင်ဒေသခံအမျိုးသား

“ဗုံးကြဲတာကတော့ မြို့ကို လေးဘက်ပတ်ပတ်လည်က စုံအောင်ကြဲတာပဲ။ ဒါးလက်ရွာဘက်တွေလည်းကြဲတယ်လို့ ကြားတယ်။ သူတို့လေယာဉ်က ကြဲတဲ့ဗုံးသံက မြို့ပေါ်က မြေကြီးတွေတောင် တုန်တယ်၊ ထိန့်သွားတယ်။ တော်တော်လေး မြို့နဲ့အနီးဆုံးကြဲနေတာ” အမ်းဒေသခံအမျိုးသမီးတစ်ဦး

“နည်းလမ်းရှာမယ်လို့ ပြောတဲ့အထဲမှာ အဓိက နှစ်တပ်ညှိနှိုင်ဆွေးဖို့ပေါ့။ ညှိနှိုင်းဆွေးဖို့လည်း ပြောတယ်လို့ ကြားတယ်။ ဒါပေမယ့် လက်ခံတဲ့သူတွေရှိသလို လက်မခံတဲ့သူတွေလည်း ရှိတယ်လို့ကြားရပါတယ်။ ဘာပဲဖြစ်ဖြစ် ပြည်သူ့စစ်နဲ့ နယ်ခြားစောင့်တပ်တွေ နောက်ဆုံးအနေနဲ့ ညှိနှိုင်းဆွေးနွေးတာကို လက်မခံရင် တိုက်ပွဲတွေက ပိုပြင်းထန်မယ်လို့ ထင်ပါတယ်” ချီဖွေဒေသခံအမျိုးသားတစ်ဦး

“အဲဒီမှာ ကျောက်ထုတ်တာ လုံးဝပိတ်ဖို့ ဆုံးဖြတ်လိုက်တယ်။ ဒါပေမယ့် အခုလောလောဆယ် လုပ်လက်စတွေ ရှိနေတဲ့အပြင် တချို့ကျောက်တုံးအစအနတွေက လယ်မြေမှာကျတာရှိတော့ ဒါတွေကိုပြန်ကောက်ပြီး ကြေအောင်ပြန်ချေဖို့ အခွင့်အရေးပေးထားတယ်” KNU ပိုင်ကျုံမြို့နယ်တာဝန်ရှိသူတစ်ဦး

“တကယ်စစ်သင်တန်းတက်တဲ့သူတွေက တက်ချင်လွန်းလို့ တက်တဲ့ဟာမျိုးမဟုတ်ဘူး။ ရှောင်လွှဲလို့မရလို့ မရတဲ့ဟာမျိုးတွေ ဖြစ်တယ်ပေါ့လေ။ ဘယ်လောက်ထိ ခြိမ်းခြောက်မှု ပြင်းထန်လဲဆိုရင် စစ်သင်တန်းမတက်ရင် ကျေးရွာကနေ ထုတ်မယ်ဆိုတဲ့ ကိစ္စရပ်မျိုးအထိ ပြင်းထန်တာမျိုးလဲ တွေ့ရတယ်” PYO ပြောရေးဆိုခွင့်ရှိသူ အမျိုးသမီးတစ်ဦး

“အခုလိုမျိုး စစ်ဗျူဟာတွေ ဖွဲ့စည်းလိုက်တဲ့အတွက် စစ်ရေးဆောင်ရွက်ရာမှာ လျင်မြန်တဲ့ အမိန့်စီးဆင်းမှုတွေ တိကျတဲ့လမ်းညွန်မှုတွေ စုဖွဲ့မှုတွေ ပိုမိုလုပ်ဆောင်လာနိုင်ပါတယ်ခင်ဗျ။ စစ်အာဏာရှင်တိုက်ဖျက်ရေးမှာလည်း ပိုမိုထိရောက်တဲ့ နည်းဗျူဟာတွေ တိုက်ပွဲဖော်ဆောင်တာတွေကို လုပ်ဆောင်နိုင်တာ ဖြစ်ပေါ်လာပါတယ်” အမှတ် -၂၇ စစ်ဗျူဟာတာဝန်ခံ ရဲဘော်ကိုအေးမင်းထွန်း

“ရေရှည်ဆိုတော့ ရောက်နေတဲ့မြို့မှာ နေဖို့မလွယ်တော့ ကိုယ့်မြို့ကိုယ့်ရွာကိုပဲ ပြန်လာတယ်။ ဒေသခံတွေ ကိုယ့်မြို့ကိုယ့်ရွာကို ပြန်လာကြတော့ စစ်ကောင်စီက မြို့ထဲနဲ့ ပတ်ပတ်လည်က ပြည်သူတွေရှိတဲ့နေရာတွေကို ဗုံးတွေကြဲတယ်။ ပြည်သူတွေက ပြေးစရာမရှိတော့ လည်စင်းခံပေးနေသလို ဖြစ်တာပေါ့” ယိင်းလျန်းဟန်/ SHRF ပြောရေးဆိုခွင့်ရှိသူ

“အမှုမှန်ပေါ်ပေါက်ရေးအတွက်လည်း ကျနော်တို့ သက်ဆိုင်ရာအဖွဲ့အစည်းတွေကိုလည်း တောင်းဆိုပေးထားသလို ပူးပေါင်းဆောင်ရွက်ကူတာတွေလည်း ရှိပါတယ်။ အဓိကကတော့ ဒီလိုမျိုးဖြစ်ရပ်တွေ နောက်ထပ် မဖြစ်အောင်ရယ် ပြီးတော့မှ ပိုပြီးတော့မှ သတိကြီးကြီးနဲ့ နေထိုင်ကြဖို့ သင်ခန်းစာယူကြဖို့အတွက်ကိုလည်း ရည်ရွယ်ပါတယ်” KNEC ဒု – ဒါရိုက်တာခွန်းနေဇာ

“ဘယ်သူမှ ဝင်မစွက်ဖက်ဘူးဆိုတာက သူ့ကိုယ်သူ မပါပါဘူး။ သူကတော့ ဝင်စွက်ဖက်နေတာပဲ။ ဒါပေမယ့် တခြားအင်အားစုတွေကို ဝင်မစွက်ဖက်နဲ့ သူမှတပါး အခြားအင်အားစုတွေ ဝင်စွက်ဖက်တာ လက်မခံဘူးဆိုတဲ့ သဘောထားကို ပြောင်ပြောင်တင်းတင်း ဖော်ထုတ်လာတာ ဖြစ်ပါတယ်” ဦးသန်းစိုးနိုင်/ မြန်မာ့နိုင်ငံရေး လေ့လာစောင့်ကြည့်သူ

← Previous 1 … 29 30 31 32 33 … 85 Next →