အင်တာဗျူး

“အဓိကတော့ သင်ကြားရေးပိုင်းမှာ အခက်အခဲရှိတာတစ်ပိုင်း၊ ပြီးတော့ လက်ရှိရှိနေတဲ့ ဆရာ၊ ဆရာမတွေနဲ့ အတိုင်းအတာတစ်ခုအထိ ကျွန်တော်တို့သွားလို့ရပေမဲ့ ခက်ခဲတာက ဆရာ၊ ဆရာမတွေကို ထောက်ပံ့ကြေး မပေးနိုင်တာက ကျွန်တော်တို့အတွက် အကြီးမားဆုံး စိန်ခေါ်မှုကြီး ဖြစ်ပါတယ်” John Bosco / ဥက္ကဌ – ပလက်ဝမြို့နယ်ပညာရေးဘုတ်အဖွဲ့

“ဒီကာလမှာက ပြည်တွင်းမှာဖြစ်စေ၊ နယ်စပ်မှာဖြစ်စေ၊ တော်လှန်ရေးနယ်မြေတွေမှာ ခေတ္တပုန်းရှောင်နေရတဲ့ နယ်မြေတွေမှာဖြစ်စေ၊ ပြည်ပမှာဖြစ်စေ အမျိုးသမီးတွေအတွက် တရားမျှတမှုကို လက်လှမ်းမှီဖို့က တော်တော့ကို စိန်ခေါ်မှု ကြီးပါတယ်” နန်းအွမ်ခမ်း – အကြံပေးပုဂ္ဂိုလ်/ မြန်မာအမျိုးသမီး၊ ငြိမ်းချမ်းရေးနှင့် လုံခြုံရေးအဖွဲ့ (M-WPS)

“စစ်ကောင်စီအနေနဲ့ တာဝန်ရှိတယ်။ ဒုတိယတချက်က NUG တို့လို အလုပ်သမားဝန်ကြီးဌာနဖွဲ့ထားတဲ့ သူတို့တွေမှာလည်း တာဝန်ရှိတယ်။ သူတို့အနေနဲ့ အလုပ်သမားရေးဝန်ကြီးဌာနတွေကို ပြည်ပမှာလာဖွင့်ထားတဲ့ အစိုးရတွေဖြစ်ပြီးတော့မှ ရွှေ့ပြောင်းအလုပ်သမားနဲ့ ပတ်သက်တဲ့အခွင့်အရေးတောင် မလုပ်နိုင်ဘူးဆိုရင်တော့ သူတို့ အလုပ်သမားဝန်ကြီးဌာနတွေအနေနဲ့ ဘာတွေလုပ်ဖို့ရှိလဲဆိုတဲ့မေးခွန်း မေးစရာရှိလာတာပေါ့” ဦးထူးချစ်/ FED အမှုဆောင်ဒါရိုက်တာ

“နပခအတွက် သေရေးရှင်ရေးလောက် အရေးပါတဲ့လမ်းကြောင်းလို့ ကျနော်တို့ပြောလို့ရတယ်။ ဒီလမ်းပိုင်းကို ထိန်းချုပ်နိုင်ရင် စစ်ကောင်စီရဲ့လက်နက်ပစ္စည်းစက်ရုံတွေနဲ့ အရမ်းနီးကပ်သွားပြီ။ နောက်တခုက ပုသိမ် – မုံရွာ လမ်းပိုင်းထိန်းချုပ်ရေးကို ဆက်လက်‌လုပ်ဆောင်လို့ရပြီလို့ ပြောရတယ်” နောင်သူရိန် / PRA မကွေး စစ်ရေးတာဝန်ခံ

“စစ်အုပ်စုရဲ့ ကုမ္မဏီအများစု၊ မင်းအောင်လှိုင်မိသားစုနဲ့ပက်သက်တဲ့ အပြည်ပြည်ဆိုင်ရာမှာထားတဲ့ ငွေကြေးတွေ ဒါတွေကိုရပ်တန့်ဖို့ ကြိုးစားမှာဖြစ်ပါတယ်။ ရပ်တန့်မှသာ စစ်အုပ်စုဆီသွားနေတဲ့လောင်စာတွေ ရပ်မှာဖြစ်တယ်” – ဦးမောင်မောင် (CTUM – ဥက္ကဌ)

“စားသောက်ဖို့ကတော့ လက်ရှိမှာရွာခံတွေဆီ စပါးတစ်တင်းချေးတယ်၊ ကျနော်တို့ ရွာပြန်လို့ရတဲ့အချိန်ကြရင် ပြန်ဆပ်မယ်ပြောပြီး ချေးငှားစားနေကြတာ။ အဓိကတော့ ကြားကအသိတွေ အာမခံပေးတယ်။ ဆန်တစ်ပြည် ဆိုလည်း တစ်ပြည်တော့ပြန်ပေးရမှာ” ပင်လောင်းစစ်ဘေးရှောင် ကိုချမ်းအေး

“အရေးယူဆောင်ရွက်မှု မလုပ်သရွှေ့တော့ အရပ်သားပြည်သူတွေအတွက် တရားမျှတမှု ဘယ်တော့မှရမှာမဟုတ်သလို၊ စစ်ကောင်စီအနေနဲ့ အပြစ်ကင်းလွတ်ခွင့် ရနေဦးမှာဖြစ်တယ်။ နောက်ပြီး နိုင်ငံတကာဥပဒေပိုင်းအရ တရားစီရင်ရေးလုပ်ငန်းစဥ်ကို အရေးယူရေးလုပ်ငန်းစဥ်ကို ဒီထက်ပိုပြီးအမြန်ဆုံး ဆောင်ရွက်ဖို့ လိုအပ်ပါတယ်” စောနန္ဒဆူး/ ကရင်လူ့အခွင့်အရေးအဖွဲ့ (KHRG) ပြောခွင့်ရသူ

“အခုဒရုန်းနဲ့ပါဆိုတော့ ပြည်သူတွေက ပိုထိတ်လန့်တယ်။ အရင်ကမှ လေယာဉ်ဆိုတာ သူ့ဟာဟာနဲ့သူ အကန့်အသတ်ဖြစ်သေးတယ်။ အခုကဒရုန်းက အချိန်မရွေး၊ နေရာမရွေး ဆိုတော့ စစ်ဘေးရှောင်တွေကလည်း လာပစ်မှာလာထိမှာ အရမ်းကြောက်နေကြတယ်” ကျွန်းလှဒေသခံအမျိုးသားတစ်ဦး

“မူးယစ်ဆေးဝါးသုံးစွဲနေတဲ့ လူငယ်တွေရဲ့အရေအတွက်က များနေဆဲပါ။ လျော့သွားတာတော့ မရှိဘူး။ မူးယစ်ဆေးဝါးတွေက ရှာရခက်တဲ့အနေအထားတော့ တခါမှမရှိခဲ့ပါဘူး။ ဒီနိုင်ငံရေးအခြေအနေတွေနဲ့ အခြားကုန်စည်စရိတ်စခတွေကတက်နေတာ မူးယစ်ဆေးဝါးတွေကဈေးမတက်ဘဲ အမြဲဝယ်ယူလို့လွယ်ကူနေတဲ့ အခြေအနေပေါ့နော် အဲလိုတွေ့ရတယ်” မိပကောင်းကျန်းပါး/ မွန်မူးယစ်ဆေးဝါးမူဝါဒရေးဆွဲရေးအဖွဲ့တာဝန်ရှိသူ

← Previous 1 … 26 27 28 29 30 … 86 Next →