စာသင်၊ စာအံနေကြသည့် ကျောင်းသူ၊ ကျောင်းသား (၂၀) ကျော်နှင့် ဆရာမ (၂) ဦး သေဆုံးခဲ့ရသည့် အိုးထိမ်းတွင်း ရွာစာသင်ကျောင်း ဗုံးကြဲခံရသော ဖြစ်စဉ်သည် စစ်အာဏာသိမ်းကာလအတွင်း ပထမဆုံးဖြစ်စဉ်မဟုတ်သကဲ့သို့ နောက်ဆုံးဖြစ်စဉ်ဟုလည်း ဆိုနိုင်လိမ့်မည်မဟုတ်ပေ။ အာဏာသိမ်းစစ်အုပ်စု၏ လေကြောင်းမှတဆင့် ဗုံးကြဲတိုက်ခိုက်နေမှုအား မရပ်တန့်နိုင်သေးသရွေ့ မြန်မာနိုင်ငံတဝှမ်းလုံးရှိ စာသင်ကျောင်းများ၊ ဘာသာရေးကျောင်းများ၊ စစ်ရှောင်စခန်းနှင့် ဆေးရုံ၊ ဆေးပေးခန်းကအစ ကျေးရွာ၊ ရပ်ကွက်အဆုံး အားလုံးသည် စစ်အုပ်စု၏ လေကြောင်းပစ်မှတ်များ ဖြစ်လာနေပြီဖြစ်သည်။
ယခုတပတ် BNI-Myanmar Peace Monitor ၏ အပတ်စဉ်သတင်းသုံးသပ်ချက်တွင် အိုးထိမ်းတွင်းရွာ စာသင်ကျောင်း စစ်အုပ်စု၏ လေကြောင်းပစ်မှတ်ဖြစ်လာသည့် လွတ်မြောက်နယ်မြေမှ စာသင်ကျောင်းများအကြောင်းကို လက်လှမ်းမီသမျှ လေ့လာတင်ပြသွားပါမည်။
ပိုမိုဖတ်ရှုရန် ဒေါင်းလုပ်ကူးယူပါ>>>
