ရခိုင်ပြည်အမျိုးသားကောင်စီ – ANC/AA

ရုံးချုပ် – DKBA တပ်မဟာ (၅) နယ်မြေ၊ ကရင်ပြည်နယ်

လှုပ်ရှားရာ နယ်မြေ – ကရင်ပြည်နယ်အတွင်း

အင်အား – ၃၅၀ အထက်

စစ်ဦးစီးချုပ် – ဗိုလ်မှူးကြီးမင်းထွန်း (ခ) မင်းဇံဝေ

ဒု-ဥက္ကဋ္ဌ –

အထွေထွေအတွင်းရေးမှူး – ဦးထွန်းဇော်

ရခိုင်ပြည်လုံးဆိုင်ရာ ကျောင်းသားနှင့် လူငယ်များအစည်းအရုံး (AASYC)၊ ရခိုင်အမျိုးသားညီညွတ်ရေးတပ်ပေါင်းစု (UNFA) နှင့် ရခိုင်ပြည်လွတ်မြောက်ရေးတပ်မတော် (ALA) တို့မှတစ်ဆင့် ဖြစ်တည်လာသည့် ANC/AA သည် ကရင်ပြည်နယ်အတွင်းရှိ DKBA ၊ KNU/KNLA တို့နှင့် ပူးပေါင်းဆောင်ရွက်မှုများ ရှိနေသကဲ့သို့ ဦးသိန်းစိန်အစိုးရ လက်ထက်တွင်လည်း UNFC အဖွဲ့ဝင်အဖြစ် ငြိမ်းချမ်းရေးဆွေးနွေးလုပ်ငန်းများတွင် ပါဝင်ဆောင်ရွက်ခဲ့သည့်တိုင် NCA လက်မှတ်ရေးထိုးရန်အတွက် ဦးသိန်းစိန်အစိုးရ၏ ဖယ်ကြဉ်ခြင်းကို ခံခဲ့ရသည်။

လူမျိုးစုံ ရခိုင်ပြည်သူလူထုတစ်ရပ်လုံး ကိုယ့်ကံကြမ္မာကိုယ်ဖန်းတီးခွင့်ရရှိရေး၊ အမျိုးသားရေး လက္ခဏာနှင့် ယဉ်ကျေးမှုအမွေအနှစ်များ မပျောက်ပျက်စေရန် ထိန်းသိမ်းစောင့်ရှောက်ရေး၊ မြန်မာပြည်ရှိ လူမျိုးစုတိုင်း၊ နိုင်ငံသူ/နိုင်ငံသားတိုင်း အာဏာရှင်စနစ်လက်အောက်မှ လွတ်မြောက်ရေး စသည်တို့သည် ANC/AA ၏ ရည်မှန်းချက်များ ဖြစ်ပါသည်။

၂၀၁၉ ခုနှစ် ဇွန်လ ၂၀ ရက်၊ ရခိုင်ပြည်နယ်မြောက်ပိုင်းမြို့နယ်များအတွင်း အစိုးရမှ အင်တာနက်လိုင်း ဖြတ်တောက်ခြင်းအပေါ် ပြင်းထန်စွာ ရှုတ်ချကြောင်းနှင့် ယင်းသို့ အင်တာနက် ဖြတ်တောက်ခြင်းသည် တပ်မတော်မှ ကျူးလွန်နေသော စစ်ရာဇာဝတ်မှုနှင့် လူသားဖြစ်တည်မှုကို ခြိမ်းခြောက်သော ရာဇဝတ်မှုများအား ဖုံးဖိရန် ကြိုးစားသည့် လုပ်ရပ်သာဖြစ်ကြောင်း ANC က သဘောထားထုတ်ပြန်ခဲ့ပါသည်။

စစ်အာဏာသိမ်းကာလအတွင်း ကရင်အမျိုးသားအစည်းအရုံး (KNU) တပ်မဟာ ၅ နှင့် ပူးပေါင်းကာ စစ်ကောင်စီတပ်များအား ခုခံတိုက်ခိုက်လျက်ရှိကြောင်း ANC/AA စစ်ဦးစီးချုပ်က ဆိုပါသည်။ ၂၀၂၁ ခုနှစ် မေလ ၇ ရက်တွင်တော့ မူတြော် (ဖာပွန်) ခရိုင် အတွင်းရှိ အာဏာသိမ်းစစ်ကောင်စီ တပ်စခန်းတစ်ခုကို သိမ်းပိုက်မီးရှို့ဖျက်ဆီးခဲ့ကာ လက်နက်ကြီးကျည် အများအပြား သိမ်းဆည်းရမိခဲ့ ကြောင်း သတင်းထုတ်ပြန်ခဲ့ပါသည်။ အမျိုးသားညီညွတ်ရေးအစိုးရ (NUG) ဖွဲ့စည်းခြင်းအပေါ် ANC/AA အနေဖြင့် ထောက် ခံကြိုဆိုပြီး ဖက်ဒရယ်ဒီမိုကရေစီပြည်ထောင်စု တည်ဆောက်ရေးနှင့် ဖက်ဒရယ်တပ် မတော်ဖွဲ့စည်းထူထောင်ရေးအတွက် မည်သည်အဖွဲ့အစည်းနှင့်မဆို ပူးပေါင်းပါဝင်ဆောင်ရွက်သွားရန် အဆင်သင့်ရှိကြောင်း ANC/AA စစ်ဦးစီးချုပ်က ပြောဆိုထားပါသည်။

အပစ်အခတ်ရပ်စဲမှု
မရှိ

မဟာမိတ်အဖွဲ့များ
– KNU/KNLA
– DKBA
– UNFC အဖွဲ့ဝင်

ဆက်သွယ်ရန်
[email protected]
FB lanc.arakannationalcouncil

Reference: မြန်မာ့ငြိမ်းချမ်းရေး လုပ်ငန်းစဉ်ကို ပုံဖော်ခြင်း – လမ်းညွှန်အကိုးအကား ၂၀၂၁ – ၂၀၂၂