၂၇ ဧပြီ ၂၀၂၀
ရခိုင်ပြည်နယ် ၊ဘူးသီးတောင်မြို့နယ် ၊ခမီချောင်းရွာ အနောက် ဖက်တောင်တန်း၌ဧပြီလ ၂၄ ရက်နေ့ နေ့လည် ၁နာရီကျော်အချိန်ခန့်က ပစ်ခတ်မူများဖြစ်ပွားခဲ့ပြီး ငါးနှစ်အရွယ်ကလေးငယ်တစ်ဦး ကျည်ထိမှန် ဒဏ်ရာ ရရှိခဲ့ကြောင်း ခမီချောင်းကျေးရွာအုပ်ချုပ်ရေးမှူး ဦးဝင်းမောင်က ပြောသည်။
အသက် (၅)နှစ်အရွယ် မနုနုခိုင်မှာ မိမိနေအိမ်တွင် ထိုင်နေစဉ် ဝမ်းဗိုက်ကို ကျည်ထိမှန်လာခြင်းဖြစ်သည်ဟု ၎င်းကဆိုသည်။
“ဒီနေ့ နေလည် ၁ နာရီလောက်မှာ အုတ်တောင်နဲ့ ခမီချောင်း ပတ်ဝန်းကျင်မှာတိုက်ပွဲဖြစ်တယ်။ အပြန်အလှန်ပစ်ကြတယ်။ ကျည်ကဝမ်းဗိုက်ကိုရှပ်မှန်သွား တယ်။နည်းနည်းလေးပါ ဘယ်ဖက်က ပစ်တာလည်းတော့ ဘယ်သိပါမလဲ။ တစ်ဖက်နဲ့တစ်ဖက် အပြန်အလှန်ပစ်နေကြတာ။နေ့လည် ၂ နာရီလောက်မှာရပ် သွားတယ်”ဟု ဦးဝင်းမောင်က ပြောသည်။
အဆိုပါကျေးရွာ စာသင်ကျောင်းကို ပြီးခဲ့သော ဖေဖော်ဝါရီလ ၁၃ ရက်နေ့ကလည်း လက်နက်ကြီးကျည်ကျ ရောက်သဖြင့် မူလတန်းကျောင်းသား၊ကျောင်းသူ (၂၁ )ဦးဒဏ်ရာရရှိသွားသည်။
ရခိုင်ပြည်နယ်တွင် တပ်မတော်နှင့်ရက္ခိုင့်တပ်တော်(AA)ကြား တိုက်ပွဲဖြစ်ပွားမှုများရှိနေပြီး အရပ်သား ထိခိုက် သေဆုံးမှု တဖြည်းဖြည်းမြင့်တက်လာနေသည်။
DMG – ပေးပို့သည်။